«О́lim aýzynan qaldyq»: Shymkent áýejaıynda 200-deı jolaýshy bir táýlikten beri usha almaı jatyr

Foto: ashyq derekkóz

Shymkent-Astana baǵyty boıynsha 4 qazanda ushýy kerek bolǵan FlyArystan ushaǵy bir táýlikten beri kókke kóterile almaı jatyr. Al ondaǵy reıcti kútken 180 jolaýshy áýejaıda áli júr. Bul týraly qandastar.kz Stan.kz aqparat agenttigine silteme jasap habarlaıdy.

FlyArystan ushaǵy keshe túski úshte Shymkentten Astanaǵa ushýy kerek bolǵan. Alaıda reıs 20 mınýttan keıinge shegerilip, keshki bester shamasynda bir-aq qozǵalypty. Sodan jyljyǵan áýe kemesi kókke kóterile almaı jurttyń bári daýryqty deıdi jolaýshylardyń biri.

“Ushaq ishinde eki júzge jýyq jolaýshy otyrdyq. Reısti eki saǵat kútkenimiz azdaı ólim aýzynan qaldyq. Áýe kemesiniń dóńgelegi júrip ushýǵa saılanyp bara jatqanda qatty daýystar shyǵyp, bárimiz aıǵaıǵa bastyq. Áıteýir amanbyz. Al ushaq sol kúıi kóterilmeı jerge qondy. Sodan beri jolaýshylardyń bári áýejaıda sandalyp júr. Qonaqúıge de ornalastyrmady”, – Aıgúl Myrzabekova.

Jolaýshy sózinshe kompanııa ókilderi mán-jaıdy túsindirmegen. Jolynan qalǵan jurttyń endi qashan ushatynyn da aıta almaı otyr eken.

“Bizge ushaqtyń bir qurylǵysy isten shyqqanyn aıtyp jatyr. Ony tek shet elde satady eken. Endi sony kútip otyr. Ol zattyń Qazaqstanǵa qashan jetkiziletinin de bir qudaı biledi. Ne aqshamyzdy qaıtarmaıdy, ne basqa áýe kompanııalarymen kelisip ushyrmaıdy”, – deıdi jolaýshy Aıgúl Myrzabekova.

Amaly taýsylǵan elge áýejaıda túneýge týra kelipti. Olardyń ishinde janazaǵa, toıǵa, naýqas týysyna bara jatqandar az emes. Jáne О́zbekstan, Reseı azamattary da bar.

“Tehnıkalyq sebepke baılanysty ushaq reıisi keınge qaldy. 5-qazan keshki 16:50 de Shymkent-Astana baǵyty boıynsha jolynan qalǵan jolaýshylardy jóneltemiz. Osy aralyqta olarǵa bılet qunyn qaıtarý, qonaq úı jáne tegin tamaq kómegi uıymdastyryldy”, –  deıdi áýe kompanııasynyń ókili.