ء«ولىم مەن سالىقتان ەشكىم قاشىپ قۇتىلمايدى»: قارجى مينيسترلىگى قازاقستاندىقتارعا ۇندەۋ جاسادى

فوتو: ortcom.kz

قارجى ۆيتسە-ءمينيسترى ەرجان ءبىرجانوۆ ازاماتتاردى سالىق تولەۋگە شاقىردى. بۇل تۋرالى Stan.kz اقپارات اگەنتتىگى حابارلايدى.

ەرجان ءبىرجانوۆ ءماجىلىس دەپۋتاتى ەرمۇرات ءباپيدىڭ قازاقستانداعى قورعانىس سالاسىنا بولىنەتىن قارجىنىڭ جەتكىلىكسىزدىگى تۋرالى سىنىنا قاتىستى پىكىر بىلدىردى. ۆيتسە-مينيستر قازاقستان نەگىزگى قاجەتتىلىكتەردى, سونىڭ ىشىندە قاۋىپسىزدىكتى قامتاماسىز ەتۋگە دە قاۋقارلى ەكەنىن اتاپ ءوتتى.

«كەز كەلگەن جاعدايدا ءبىرىنشى كەزەكتەگى نەگىزگى قاجەتتىلىكتەر, ونىڭ ىشىندە قورعانىس قابىلەتىنە دەگەن قاجەتتىلىك تە قامتاماسىز ەتىلەدى. ءاربىر ۋاكىلەتتى ورگانعا, باسقارمالارعا ارنالعان پارامەترلەر بار. بۇل ساربازداردى ازىق-ت ۇلىكپەن قامتاماسىز ەتۋ, قاجەتتىلىك نورمالارىنا سايكەس قامتاماسىز ەتۋ, اسكەري تەحنيكامەن, شارتتى تۇردە, وقۋ-جاتتىعۋلار وتكىزۋ ارقىلى جۇزەگە اسىرىلادى. مۇنىڭ بارلىعى بيۋدجەتكە ەنگىزىلگەن, ءتيىستى نورماتيۆتەر بار», – دەدى ەرجان ءبىرجانوۆ.

ۆيتسە-مينيستر مەملەكەت ورىنداۋى ءتيىس بارلىق مىندەتتەمەلەردى ورىندايتىنىن اتاپ ءوتتى. سونداي-اق ءبىرجانوۆ سالىق تولەۋ قاجەتتىگىنە دە توقتالدى, ونىڭ ايتۋىنشا, سالىق ۋاقىتىلى تولەنسە, قارجى دا جەتكىلىكتى بولادى.

ء«بىز سالىق كودەكسىن قابىلداپ جاتىرمىز, ونىڭ اياسىندا رەزەرۆ قاراستىرىلعان. سونىمەن قاتار وسى جىلى ءبىز زاڭ قابىلدادىق, كولىك باعاسىن بەلگىلەۋ تۋرالى زاڭدى دا جاڭارتتىق, باسقا دا قۇرالدار بار, ۆاليۋتالىق باقىلاۋ, تسيفرلاندىرۋ قارقىنمەن دامىپ كەلەدى, بيزنەس وكىلدەرىنىڭ بارلىق كەمشىلىكتەرى مەن جەتكىلىكسىز تولەمدەرى كورىنىپ تۇرادى. قالاي بولعاندا دا, ءولىم مەن سالىقتان ەشكىم قاشىپ قۇتىلمايدى. سوندىقتان سالىق تولەۋ قاجەتتىگى تۋرالى اقپاراتتى تاراتۋلارىڭىزدى سۇرايمىن», – دەدى ەرجان ءبىرجانوۆ جۋرناليستەرگە.

ەسكە سالساق, بۇعان دەيىن ماجىلىس دەپۋتاتى ەرمۇرات باپي قورعانىس مينيسترلىگىنە بولىنگەن قارجىعا اشۋلانعانى تۋرالى جازعان ەدىك.