«О́lim men salyqtan eshkim qashyp qutylmaıdy»: Qarjy mınıstrligi qazaqstandyqtarǵa úndeý jasady

Foto: ortcom.kz

Qarjy vıe-mınıstri Erjan Birjanov azamattardy salyq tóleýge shaqyrdy. Bul týraly Stan.kz aqparat agenttigi habarlaıdy.

Erjan Birjanov májilis depýtaty Ermurat Bapıdiń Qazaqstandaǵy qorǵanys salasyna bólinetin qarjynyń jetkiliksizdigi týraly synyna qatysty pikir bildirdi. Vıe-mınıstr Qazaqstan negizgi qajettilikterdi, sonyń ishinde qaýipsizdikti qamtamasyz etýge de qaýqarly ekenin atap ótti.

«Kez kelgen jaǵdaıda birinshi kezektegi negizgi qajettilikter, onyń ishinde qorǵanys qabiletine degen qajettilik te qamtamasyz etiledi. Árbir ýákiletti organǵa, basqarmalarǵa arnalǵan parametrler bar. Bul sarbazdardy azyq-túlikpen qamtamasyz etý, qajettilik normalaryna sáıkes qamtamasyz etý, áskerı tehnıkamen, shartty túrde, oqý-jattyǵýlar ótkizý arqyly júzege asyrylady. Munyń barlyǵy bıýdjetke engizilgen, tıisti normatıvter bar», – dedi Erjan Birjanov.

Vıe-mınıstr memleket oryndaýy tıis barlyq mindettemelerdi oryndaıtynyn atap ótti. Sondaı-aq Birjanov salyq tóleý qajettigine de toqtaldy, onyń aıtýynsha, salyq ýaqytyly tólense, qarjy da jetkilikti bolady.

«Biz salyq kodeksin qabyldap jatyrmyz, onyń aıasynda rezerv qarastyrylǵan. Sonymen qatar osy jyly biz zań qabyldadyq, kólik baǵasyn belgileý týraly zańdy da jańarttyq, basqa da quraldar bar, valıýtalyq baqylaý, ıfrlandyrý qarqynmen damyp keledi, bıznes ókilderiniń barlyq kemshilikteri men jetkiliksiz tólemderi kórinip turady. Qalaı bolǵanda da, ólim men salyqtan eshkim qashyp qutylmaıdy. Sondyqtan salyq tóleý qajettigi týraly aqparatty taratýlaryńyzdy suraımyn», – dedi Erjan Birjanov jýrnalısterge.

Eske salsaq, buǵan deıin májilis depýtaty Ermurat Bapı qorǵanys mınıstrligine bólingen qarjyǵa ashýlanǵany týraly jazǵan edik.