«Olimp KZ» باسشىسى تۇرمەدە كوز جۇمدى: سۋديا سوتتالۋشىنىڭ سىرقاتىنا سەنبەگەن

فوتو: Pixabay

«Olimp KZ» بۋكمەكەرلىك كەڭسەسىنىڭ ءىسى بويىنشا سوتتالعان جانىبەك جاۋىروۆ اۋىر دياگنوزدان كولونيادا قايتىس بولدى, دەپ حابارلايدى Skifnews.kz اقپارات پورتالى.

Stan.kz اقپارات اگەنتتىگىنىڭ جازۋىنشا, ادۆوكات مارقۇمنىڭ مەرزىمىنەن بۇرىن بوساتىلۋىنا مۇمكىندىگى بولعانىن ايتادى.  بىرنەشە كۇن بۇرىن جانىبەك جاۋىروۆتىڭ دەنساۋلىعى ناشارلاپ, جانساقتاۋ بولىمىنە جىبەرىلگەن ەدى. سوتتالۋشى 23 شىلدەگە قاراعان ءتۇنى سول جەردە قايتىس بولدى.

سوتتالۋشىنىڭ دەنساۋلىعى «Olimp KZ» بۋكمەكەرلىك كەڭسەسىنە قاتىستى سوتقا دەيىن ناشارلاعان. جانىبەك جاۋىروۆ 2014 جىلى باۋىر تسيرروزىنا شالدىعىپ, سوت ودان اۋرۋحانادا جاتقان جەرىنەن جاۋاپ العان ەدى. ول سوڭعى رەت 2024 جىلى اۋرۋحاناع تۇسكەن ەدى.

“ناۋقاستىڭ 2-3 جىلداي ۋاقىتى قالدى” دەگەن دارىگەرلەردىڭ سوزىنە قاراماستان سوت ونى مەرزمىنەن بۇرىن بوساتۋدان باس تارتتى.

“كواگۋلوگرامماسى ناشار. باۋىر جاسۋشالارى ىدىراپ, ءشىري باستاعان. ميدىڭ زاقىمدالۋى بايقالادى. ءىش قۋىسىندا سۇيىقتىق جينالعان. باۋىر تسيرروزى. پورتالدى گيپەرتەنزيا سيندرومى. فلەبەريزم. نەفروتيكالىق سيندروم. ناۋقاستىڭ جاعدايى اۋىر”, – دەدى دارىگەرلەر.

ادۆوكاتتاردىڭ ايتۋىنشا, جانىبەك جاۋىروۆ ۇزاق ۋاقىت مۇگەدەكتەر ارباسىندا وتىردى. «س» دارەجەسىندەگى باۋىر تسيرروزىنان كەيىن ادەتتە, ادام جۇرە الماي قالادى. ال باۋىردى اۋىستىرماسا ونىڭ ءبىر جىلعا جەتەر-جەتپەس ۋاقىتى قالعان ەدى” دەيدى قورعاۋشىسى. جانىبەك جاۋىروۆ وتاعا دەيىن شىداماي, 23 شىلدەگە قاراعان ءتۇنى قايتىس بولدى.

قورعاۋشىلار سوتتالۋشىنىڭ دەنساۋلىق جاعدايى مەرزىمىنەن بۇرىن بوساتىلۋىنا نەگىز بولادى دەيدى. الايدا سۋديا مارقۇمنىڭ سىرقاتىنا قاتىستى قۇجاتتارىن سەنبەي, «باسقا سوتتالۋشىنىڭ اتى-ءجونىن قوسىپ, سول جەردە باسقا دياگنوزدى كورسەتكەن» دەگەن نەگىزدە ونى بوساتۋدان باس تارتقان.

سوتتالۋشىنىڭ ادۆوكاتى ەكى رەت جانىبەكتى بوساتۋ تۋرالى ءوتىنىش جىبەرىلگەنىن, الايدا سۋديا ەكەۋىن دە قابىلداماي قويعانىن ايتادى.

ايتا كەتەيىك, جانىبەك جاۋىروۆ سوت ۇكىمىمەن 8,6 جىلعا باس بوستاندىعىنان ايىرۋ جازاسىنا كەسىلگەن ەدى.