«Olimp KZ» basshysy túrmede kóz jumdy: Sýdıa sottalýshynyń syrqatyna senbegen

Foto: Pixabay

«Olimp KZ» býkmekerlik keńsesiniń isi boıynsha sottalǵan Jánibek Jaýyrov aýyr dıagnozdan kolonııada qaıtys boldy, dep habarlaıdy Skifnews.kz aqparat portaly.

Stan.kz aqparat agenttiginiń jazýynsha, advokat marqumnyń merziminen buryn bosatylýyna múmkindigi bolǵanyn aıtady.  Birneshe kún buryn Jánibek Jaýyrovtyń densaýlyǵy nasharlap, jansaqtaý bólimine jiberilgen edi. Sottalýshy 23 shildege qaraǵan túni sol jerde qaıtys boldy.

Sottalýshynyń densaýlyǵy «Olimp KZ» býkmekerlik keńsesine qatysty sotqa deıin nasharlaǵan. Jánibek Jaýyrov 2014 jyly baýyr ırrozyna shaldyǵyp, sot odan aýrýhanada jatqan jerinen jaýap alǵan edi. Ol sońǵy ret 2024 jyly aýrýhanaǵ túsken edi.

“Naýqastyń 2-3 jyldaı ýaqyty qaldy” degen dárigerlerdiń sózine qaramastan sot ony merzminen buryn bosatýdan bas tartty.

“Koagýlogrammasy nashar. Baýyr jasýshalary ydyrap, shirı bastaǵan. Mıdyń zaqymdalýy baıqalady. Ish qýysynda suıyqtyq jınalǵan. Baýyr ırrozy. Portaldy gıpertenzııa sındromy. Fleberızm. Nefrotıkalyq sındrom. Naýqastyń jaǵdaıy aýyr”, – dedi dárigerler.

Advokattardyń aıtýynsha, Jánibek Jaýyrov uzaq ýaqyt múgedekter arbasynda otyrdy. «S» dárejesindegi baýyr ırrozynan keıin ádette, adam júre almaı qalady. Al baýyrdy aýystyrmasa onyń bir jylǵa jeter-jetpes ýaqyty qalǵan edi” deıdi qorǵaýshysy. Jánibek Jaýyrov otaǵa deıin shydamaı, 23 shildege qaraǵan túni qaıtys boldy.

Qorǵaýshylar sottalýshynyń densaýlyq jaǵdaıy merziminen buryn bosatylýyna negiz bolady deıdi. Alaıda sýdıa marqumnyń syrqatyna qatysty qujattaryn senbeı, «basqa sottalýshynyń aty-jónin qosyp, sol jerde basqa dıagnozdy kórsetken» degen negizde ony bosatýdan bas tartqan.

Sottalýshynyń advokaty eki ret Jánibekti bosatý týraly ótinish jiberilgenin, alaıda sýdıa ekeýin de qabyldamaı qoıǵanyn aıtady.

Aıta keteıik, Jánibek Jaýyrov sot úkimimen 8,6 jylǵa bas bostandyǵynan aıyrý jazasyna kesilgen edi.