الەم جاڭالىقتارى
وليمپيادا چەمپيونى پاريج ساياباعىندا ۇيىقتاپ قالعان
فوتو: اشىق دەرەككوز
سۋدا جۇزۋدەن يتاليا قۇراماسىنىڭ مۇشەسى توماس چەككون پاريجدەگى ساياباقتاردىڭ بىرىندە ۇيىقتاپ جاتقان جەرىنەن سپورتشىلار سۋرەتكە ءتۇسىرىپ العان, – دەپ حابارلايدى qandastar.kz.
بۇعان دەيىن سپورتشى پاريجدە جاساقتالعان وليمپيادا قالاشىعىنداعى جاعدايدى سىناعان بولاتىن.
«قالاشىقتا كونديتسيونەر جوق, وتە ىستىق. تاماعى دا ونشا ەمەس. سول ءۇشىن كوپ سپورتشى كوشىپ كەتتى. ءدامسىز تاماق, اپتاپ ىستىق, كونديتسيونەردىڭ جوقتىعى, ۇيقىسىزدىق», – دەگەن بولاتىن يتالياندىق.
چەككون پاريج وليمپياداسىندا 100 مەترگە شالقالاپ جۇزۋدە التىن, كەيىن ءدال سول قاشىقتىقتا ەركىن ستيلدە جۇزۋدەن وتكەن ەستافەتالىق سايىستا قولا جۇلدە العان بولاتىن.
