Jańalyqtar
Olımpıada: Qamshybek Qońqabaev alǵashqy jekpe-jeginde jeńilip qaldy
Foto: olympic.kz
Franııa astanasy Parıj qalasynda ótip jatqan Olımpıadada bokstan Qamshybek Qońqabaev (92 keliden joǵary) jarys jolyn aıaqtady.
Qazaqstandyq boksshy alǵashqy jekpe-jeginde ıspanııalyq Aıýb Gadfa Drıssımen kezdesti.
Qarsylasy da osal boksshy emes. 2023 jyly álem chempıonatynda qola alsa, Eýropa chempıonatynda bıyl jeńimpaz atanǵan. Sondaı-aq, eki jyl buryn kúmis alǵan edi.
Alǵashqy raýndta eki boksshy tepe-teń deńgeıde oıyn kórsetti. Nátıjesinde úsh tóreshi Qamshybektiń jeńgenine qoldaý bildirdi. Ekinshi raýndta ıspanııalyq boksshynyń basymdyǵy baıqaldy.
Sheshýshi raýndta Qamshybektiń belsendiligi kórinip turdy. Tóreshiler sheshimimen jeńis ıspanııalyq boksshyǵa berildi. Qamshybek osylaısha jarys jolyn erterek aıaqtady.
Qamshybek Qońqabaev 1991 jyly 18 qarasha kúni Qyzylorda qalasynda dúnıege kelgen. Qazirge deıin Tokıo Olımpıadasynyń qola júldeger bolsa, álem chempıonatynda 2017, 2019 jyldarda eki márte kúmis medal ıegeri atandy. Sondaı-aq 2022 jyly Jazǵy Azııa oıyndarynyń ekinshi oryn alsa, Azııa chempıonatyndatórt márte júldegerler qatarynan kórindi.
Qazirge deıin Parıj Olımpıadasynda 63,5 keli Muhammedsabyr Bazarbaıuly Taıbeıden kelgen Laı Chý Endi jeńip, shırek fınalǵa joldama aldy. Ol budan buryn ıspanııalyq Oıer Ibarechcheni jarys jolynan taıdyrǵan edi.
