وليمپيادا جۇلدەگەرى ناريمان قۇربانوۆ سۇيىكتىسىنە ۇيلەنۋگە ۇسىنىس جاسادى

فوتو: اشىق دەرەككوز

سپورتتىق گيمناستيكادان پاريج وليمپياداسىنىڭ كۇمىس جۇلدەگەرى اتانعان ناريمان قۇربانوۆ سۇيىكتىسىنە ۇيلەنۋ تۋرالى ۇسىنىس جاساعان. ناريمان ەندى بولاشاق جارىنا ۇيلەنۋ تۋرالى ۇسىنىس جاسالعاندا تاعاتىن جۇزىك سىيلاعان, دەپ حابارلايدى Ulyssport.kz.

مۇنى اتلەتتىڭ سۇيىكتىسى – گيمناست ايدا باۋىرجانوۆا ءوزىنىڭ Instagram-داعى stories-ىندە كورسەتتى.

ول «ماحابباتپەن» دەپ جازىپ, ناريماندى بەلگىلەپ قويعان.

بۇعان دەيىن ەل قورجىنىنا تاريحي مەدال سالعان سپورتشىنىڭ قىركۇيەك ايىندا شاڭىراق كوتەرەتىنى ايتىلعان ەدى.

ءبىز ايدا ەكەۋىمىز 2018 جىلى تانىستىق. سودان بەرى قىز-جىگىت بولىپ ارالاسىپ كەلەمىز. سۇيىكتىم ايدا دا گيمناستشى. بۇيىرتسا, تويىمىز قىركۇيەكتە بولادى, – دەپ جازىپ ەدى قۇربانوۆ الەۋمەتتىك جەلىدەگى پاراقشاسىندا.