وليمپيادادا قازاقتىڭ نامىسىن قورعايتىن سپورتشىلاردىڭ كيىمى نارازىلىق تۋدىردى. فورماعا قانشا جۇمسالدى?

فوتو: تۋريزم جانە سپورت مينيسترلىگى

بيىل پاريجدە وتەتىن وليمپيادا ويىندارىنىڭ باستالۋىنا 10 كۇن قالدى. جەلىدە قازاقستان نامىسىن قورعايتىن قۇراما كوماندا مۇشەلەرىنىڭ سپورت كيىمىنە قاتىستى نارازىلىق تۋدى. جۇرت نازارىن موڭعوليا قۇراماسىنىڭ كيىمى اۋداردى. سپورت كوستيۋمىنە قانشا قاراجات جۇمسالدى? وعان ينۆەستيتسيا كىم قۇيدى? كيىمنىڭ ديزاينى قالاي تاڭدالدى? ديزاينەرى كىم? Massaget.kz ءتىلشىسى انىقتاپ كوردى.

10 شىلدەدە پرەزيدەنت ءحححىىى جازعى وليمپيادا ويىندارىنا قاتىساتىن قازاقستان قۇراما كومانداسىنىڭ مۇشەلەرىنە مەملەكەتتىك تۋدى تاپسىرعان ەدى. سودان بەرى جەلىدە بۇل فورما قىزۋ تالقىعا ءتۇستى. ءبىرى ونى موڭعوليا فورماسىنان الدەقايدا ارتتا قالعان دەسە, ەندى ءبىرى ونىڭ ساپاسى مەن زاماناۋيلىعىنا ءمان بەرگەن.

«جوق, بۇل قايىق جۇمىسكەرلەرىنىڭ نەمەسە تەننيس ماتچىندەگى تورەشىنىڭ ۋنيفورماسى ەمەس. بۇل – قازاقستان قۇراما قۇراماسىنىڭ رەسمي فورماسى. مۇندا ونى شەنەۋنىكتەردىڭ گالستۋگىنە ۇقساس كوك گالستۋك تە قۇتقارىپ تۇرعان جوق», – دەپ جازعان جەلى قولدانۋشىسى. ول موڭعوليانىڭ فورماسىمەن سالىستىرعان.

بۇعان دەيىن پاريجدە وتەتىن وليمپياداعا ارنالعان فورمانىڭ ديزاينىنا قاتىستى كونكۋرس وتكىزىلگەن. كونكۋرسقا 15 قاتىسۋشى ءوز جۇمىسىن جىبەرگەن. ولاردىڭ ىشىندە تانىمال ديزاينەرلەر ساكەن جاقسىباەۆ پەن اقمارال جاراسقىزى دا بار. ولار الەۋمەتتىك جەلىدە وزدەرىنىڭ جۇمىسىن كورسەتتى.

Massaget.kz ءتىلشىسى بۇعان قاتىستى تۋريزم جانە سپورت مينيسترلىگىنە ساۋال جولدادى. ولاردىڭ ايتۋىنشا, فورما ديزاينى تەندەر نەگىزىندە ەمەس, كونكۋرس نەگىزىندە انىقتالعان.

«ەشقانداي تەندەر بولعان جوق. فورمانىڭ ديزاينىنا كونكۋرس قانا بولدى. كونكۋرس 2 كەزەڭنەن تۇردى. 3 نوميناتسيا بويىنشا جەڭىمپازدار انىقتالدى. ولار: سالتاناتتى وليمپيادالىق فورما, سپورتتىق وليمپيادالىق فورما جانە تۋ ۇستاۋشىلارعا ارنالعان وليمپيادالىق فورما. ولار كيىمدى تىككەن جوق, ولار فورمانىڭ ديزاينىن ۇسىندى. فورما جەكە ينۆەستورلاردىڭ ارقاسىندا تىگىلدى», – دەدى تۋريزم جانە سپورت مينيسترلىگىنىڭ ءباسپاسوز قىزمەتىنىڭ وكىلى.

كونكۋرس جەڭىمپازدارى كىم? ولار تۋرالى نە بەلگىلى?

«سالتاناتتى وليمپيادالىق فورما» نوميناتسياسى بويىنشا «ەكسكليۋزيۆ ستۋديو» جشس;

«سپورتتىق وليمپيادالىق فورما» (سپورتتىق كوستيۋم) – Health&Sport جشس;

«تۋ ۇستاۋشىلارعا ارنالعان وليمپيادالىق فورما» – «ەكسكليۋزيۆ ستۋديو» جشس.

جەڭىمپازداردى كىم ىرىكتەدى? كوميسسيا قۇرامىندا كىم بولدى?

وليمپيادالىق فورمانىڭ ديزاينى ارنايى كوميسسيانىڭ شەشىمىمەن بەكىتىلگەن.

كوميسسيا قۇرامىندا 18 ادامنان قۇرالعان تۋريزم جانە سپورت مينيسترلىگى سپورت جانە دەنە شىنىقتىرۋ كوميتەتى, قر ۇلتتىق وليمپيادا كوميتەتى, قازاقستان سپورتشىلارى وداعىنىڭ وكىلدەرى, بەلگىلى سپورتشىلارىمىز بەن باق قىزمەتكەرلەرى بولدى. بۇل قۇرامدا ەلدوس سمەتوۆ, ازامات داۋلەتبەكوۆ, ءجاميلا باقبەرگەنوۆا, ولگا رىپاكوۆا, ءابيبا ابۋجاقىنوۆا, اننا اليابەۆا, نۇربەك ورالباي, نۇرسۇلتان تۇرسىنوۆ سىندى سپورتشىلار دا بار.

فورما ديزاينىنداعى ەرەكشەلىكتەر قانداي?

سالتاناتتى وليمپيادالىق فورما مەن تۋ ۇستاۋشىلارعا ارنالعان وليمپيادالىق فورمانىڭ ەسكيزدەرى جاساندى ينتەللەكتتى قولدانا وتىرىپ جاسالعان. سونداي-اق, ۇلتتىق مادەنيەت پەن ءداستۇردى بەينەلەيتىن ۇلتتىق ويۋ-ورنەكتەردىڭ, تۇستەر ۇيلەسىمىن جانە باسقا دا رامىزدەردىڭ ەلەمەنتتەرىن قامتيدى.

وليمپيادالىق فورمانى تىگۋ بارىسىندا اۋا رايىنا سايكەس كەلەتىن, ىلعال سىڭبەيتىن جەڭىل جانە اۋا وتكىزەتىن زاماناۋي جوعارى تەحنولوگيالىق ماتەريالدار پايدالانىلدى.

فورمانى ازىرلەۋ كەزىندە نە ەسكەرىلدى?

ايتا كەتەيىك, فورمانى ازىرلەۋ كەزىندە جاساندى ينتەللەكتى قولدانىلعان.

• باسقا ەلدەردىڭ تاجىريبەسى;
• ۇلتتىق ەرەكشەلىكتەر;
• زاماناۋي ءسان ترەندتەرى;
• الدىڭعى وليمپيادالارمەن سالىستىرعاندا فورمانىڭ بىرەگەيلىگى;
• قازاقستان تۋىنىڭ تۇسىنە تاۋەلسىز بولۋى;
• اۋا رايى;
• ۇلتتىق باس كيىم «تاقيا» قوسىلدى.

فورماعا قانشا قاراجات جۇمسالدى?

«وليمپيادالىق فورما تولىعىمەن دەمەۋشىلەر قاراجاتىنا تىگىلدى. دەمەۋشىنىڭ اتى-ءجونى ء(وزىنىڭ سۇراۋى بويىنشا – ەسك.) سونداي-اق, قۇقىقتارى مەن زاڭدى مۇددەلەرىن قورعاۋ ماقساتىندا قۇپيا بولىپ قالادى», – دەلىنگەن جاۋاپتا.

وليمپياداعا ارنالعان فورما جيىنتىعىنا نە كىرەدى?

فورما جيىنتىعى ەرلەر ءۇشىن 29 بىرلىكتەن, ايەلدەر ءۇشىن 30 بىرلىكتەن تۇرادى.

سالتاناتتى كوستيۋم

سالتاناتتى كوستيۋمدى سپورتشىلار مەن سپورت دەلەگاتسياسى وليمپيادا ويىندارىنىڭ اشىلۋ جانە جابىلۋ شەرۋىنىڭ سالتاناتتى بولىگىنە قاتىسۋ ءۇشىن پايدالانادى.

«كوستيۋمدەر قىسقا جەڭدى ەتىپ ارنايى تىگىلگەن. سەبەبى پاريجدەگى ويىنداردىڭ اشىلۋ سالتاناتىندا كۇن ىستىق بولادى دەگەن بولجام بار. سونىمەن قاتار, جازعى وليمپيادا ويىندارىنىڭ تاريحىندا تۇڭعىش رەت اشىلۋ سالتاناتى ستاديوننىڭ سىرتىندا سەنا وزەنىندە وتەدى», – دەلىنگەن جاۋاپتا.

ايەلدەردىڭ سالتاناتتى كوستيۋمىنە 8 ءتۇرلى كيىم (باس اكسەسسۋار (جيەك), كويلەك, گالستۋك, بلەيزەر, شالبار, يۋبكا, ش ۇلىق, كروسسوۆكا) كىرەدى.

شەرۋگە ارنالعان ەرلەردىڭ كوستيۋمى 7 كيىمنەن تۇرادى (تاقيا, كويلەك, گالستۋك, شالبار, كۋرتكا, ش ۇلىق, اياق كيىم).

«كوستيۋمدەردەگى ۇلتتىق ويۋ-ورنەكتىڭ ەلەمەنتتەرى تەك دەكوراتيۆ عانا ەمەس, سونىمەن قاتار, تاريحي سيمۆولدىق فۋنكتسياعا يە. ول الەمدى كوركەم قابىلداۋ مەن قازاقستاندىقتاردىڭ ەستەتيكالىق تالعامىن كورسەتەدى:

«ءمۇيىز» بۋيۆول نەمەسە بۇعى سياقتى قۇدىرەتتى جانۋارلارعا ءتان كۇشتى, باتىلدىق پەن قورعانىستى بىلدىرەدى.

«قوس ءمۇيىز» ىشكى بىرلىك پەن ۇيلەسىمدىلىكتى كورسەتە وتىرىپ, مۇيىزدەردىڭ سيمۆوليكاسىن كۇشەيتەدى.

«قاز مويىن» سپورتتاعى بەيىمدەلگىشتىكتى باسا كورسەتە وتىرىپ, يكەمدىلىكتى, ەپتىلىك پەن راقىمدى بىلدىرەدى», – دەلىنگەن جاۋاپتا.

سالتاناتتى-سپورتتىق كوستيۋم

جيناق 4 بىرلىكتەن تۇرادى (سپورتتىق كوستيۋم, فۋتبولكا, كروسسوۆكا, ش ۇلىق) جانە «قاز مويىن», «ءمۇيىز» جانە «قوس ءمۇيىز» ويۋ-ورنەكتەرىمەن بەزەندىرىلگەن. سپورتتىق جارىستار كەزىندە, سونداي-اق, ماراپاتتاۋ راسىمدەرى كەزىندە كيۋگە ارنالعان.

سپورتتىق كوستيۋم

جيناققا 18 ءتۇرلى كيىم كىرەدى (جاتتىعۋ كوستيۋمى, سالتاناتتى كوستيۋم, جەل قورعاعىش, پولو فۋتبولكاسى 2 دانا, فۋتبولكا 2 دانا, شورتى, سپورتتىق شورت, كروسسوۆكالار, قالپاق, سپورتتىق ريۋكزاك, دوڭگەلەگى بار سومكە, دوڭگەلەكتەرى بار قول جۇگىنە ارنالعان ريۋكزاك, سۇلگى, ش ۇلىق 2 دانا, سلانتسىلار).

تۋ ۇستاۋشىلاردىڭ وليمپيادالىق كوستيۋمى

تۋ ۇستاۋشى ەرلەرگە ارنالعان سالتاناتتى كوستيۋم 4 كيىمنەن تۇرادى (سيۋرتۋك, شالبار, جىبەك كويلەك, باس كيىم – بورىك).

تۋ ۇستاۋشى ايەلدەردىڭ سالتاناتتى كوستيۋمىنە 2 كيىم (كەشكى كويلەك, باس كيىم – ساۋكەلە) كىرەدى.