Olımpıadada qazaqtyń namysyn qorǵaıtyn sportshylardyń kıimi narazylyq týdyrdy. Formaǵa qansha jumsaldy?

Foto: Týrızm jáne sport mınıstrligi

Bıyl Parıjde ótetin Olımpıada oıyndarynyń bastalýyna 10 kún qaldy. Jelide Qazaqstan namysyn qorǵaıtyn qurama komanda músheleriniń sport kıimine qatysty narazylyq týdy. Jurt nazaryn Mońǵolııa quramasynyń kıimi aýdardy. Sport kostıýmine qansha qarajat jumsaldy? Oǵan ınvestıııa kim quıdy? Kıimniń dızaıny qalaı tańdaldy? Dızaıneri kim? Massaget.kz tilshisi anyqtap kórdi.

10 shildede Prezıdent HHHIII jazǵy Olımpıada oıyndaryna qatysatyn Qazaqstan qurama komandasynyń múshelerine Memlekettik týdy tapsyrǵan edi. Sodan beri jelide bul forma qyzý talqyǵa tústi. Biri ony Mońǵolııa formasynan áldeqaıda artta qalǵan dese, endi biri onyń sapasy men zamanaýılyǵyna mán bergen.

«Joq, bul qaıyq jumyskerleriniń nemese tennıs matchindegi tóreshiniń ýnıformasy emes. Bul – Qazaqstan qurama quramasynyń resmı formasy. Munda ony sheneýnikterdiń galstýgine uqsas kók galstýk te qutqaryp turǵan joq», – dep jazǵan jeli qoldanýshysy. Ol Mońǵolııanyń formasymen salystyrǵan.

Buǵan deıin Parıjde ótetin olımpıadaǵa arnalǵan formanyń dızaınyna qatysty konkýrs ótkizilgen. Konkýrsqa 15 qatysýshy óz jumysyn jibergen. Olardyń ishinde tanymal dızaınerler Sáken Jaqsybaev pen Aqmaral Jarasqyzy da bar. Olar áleýmettik jelide ózderiniń jumysyn kórsetti.

Massaget.kz tilshisi buǵan qatysty Týrızm jáne sport mınıstrligine saýal joldady. Olardyń aıtýynsha, forma dızaıny tender negizinde emes, konkýrs negizinde anyqtalǵan.

«Eshqandaı tender bolǵan joq. Formanyń dızaınyna konkýrs qana boldy. Konkýrs 2 kezeńnen turdy. 3 nomınaııa boıynsha jeńimpazdar anyqtaldy. Olar: saltanatty olımpıadalyq forma, sporttyq olımpıadalyq forma jáne Tý ustaýshylarǵa arnalǵan olımpıadalyq forma. Olar kıimdi tikken joq, olar formanyń dızaınyn usyndy. Forma jeke ınvestorlardyń arqasynda tigildi», – dedi Týrızm jáne sport mınıstrliginiń baspasóz qyzmetiniń ókili.

Konkýrs jeńimpazdary kim? Olar týraly ne belgili?

«Saltanatty olımpıadalyq forma» nomınaııasy boıynsha «Eksklıýzıv stýdıo» JShS;

«Sporttyq olımpıadalyq forma» (sporttyq kostıým) – Health&Sport JShS;

«Tý ustaýshylarǵa arnalǵan olımpıadalyq forma» – «Eksklıýzıv stýdıo» JShS.

Jeńimpazdardy kim iriktedi? Komıssııa quramynda kim boldy?

Olımpıadalyq formanyń dızaıny arnaıy komıssııanyń sheshimimen bekitilgen.

Komıssııa quramynda 18 adamnan quralǵan Týrızm jáne sport mınıstrligi Sport jáne dene shynyqtyrý komıteti, QR Ulttyq Olımpıada komıteti, Qazaqstan sportshylary odaǵynyń ókilderi, belgili sportshylarymyz ben BAQ qyzmetkerleri boldy. Bul quramda Eldos Smetov, Azamat Dáýletbekov, Jámılá Baqbergenova, Olga Rypakova, Ábıba Abýjaqynova, Anna Alıabeva, Nurbek Oralbaı, Nursultan Tursynov syndy sportshylar da bar.

Forma dızaınyndaǵy erekshelikter qandaı?

Saltanatty olımpıadalyq forma men Tý ustaýshylarǵa arnalǵan olımpıadalyq formanyń eskızderi jasandy ıntellektti qoldana otyryp jasalǵan. Sondaı-aq, ulttyq mádenıet pen dástúrdi beıneleıtin ulttyq oıý-órnekterdiń, túster úılesimin jáne basqa da rámizderdiń elementterin qamtıdy.

Olımpıadalyq formany tigý barysynda aýa raıyna sáıkes keletin, ylǵal sińbeıtin jeńil jáne aýa ótkizetin zamanaýı joǵary tehnologııalyq materıaldar paıdalanyldy.

Formany ázirleý kezinde ne eskerildi?

Aıta keteıik, formany ázirleý kezinde jasandy ıntellekti qoldanylǵan.

• basqa elderdiń tájirıbesi;
• ulttyq erekshelikter;
• zamanaýı sán trendteri;
• aldyńǵy Olımpıadalarmen salystyrǵanda formanyń biregeıligi;
• Qazaqstan týynyń túsine táýelsiz bolýy;
• aýa raıy;
• ulttyq bas kıim «taqııa» qosyldy.

Formaǵa qansha qarajat jumsaldy?

«Olımpıadalyq forma tolyǵymen demeýshiler qarajatyna tigildi. Demeýshiniń aty-jóni (óziniń suraýy boıynsha – esk.) sondaı-aq, quqyqtary men zańdy múddelerin qorǵaý maqsatynda qupııa bolyp qalady», – delingen jaýapta.

Olımpıadaǵa arnalǵan forma jıyntyǵyna ne kiredi?

Forma jıyntyǵy erler úshin 29 birlikten, áıelder úshin 30 birlikten turady.

Saltanatty kostıým

Saltanatty kostıýmdi sportshylar men sport delegaııasy Olımpıada oıyndarynyń ashylý jáne jabylý sherýiniń saltanatty bóligine qatysý úshin paıdalanady.

«Kostıýmder qysqa jeńdi etip arnaıy tigilgen. Sebebi Parıjdegi oıyndardyń ashylý saltanatynda kún ystyq bolady degen boljam bar. Sonymen qatar, jazǵy Olımpıada oıyndarynyń tarıhynda tuńǵysh ret ashylý saltanaty stadıonnyń syrtynda Sena ózeninde ótedi», – delingen jaýapta.

Áıelderdiń saltanatty kostıýmine 8 túrli kıim (bas aksessýar (jıek), kóılek, galstýk, bleızer, shalbar, ıýbka, shulyq, krossovka) kiredi.

Sherýge arnalǵan erlerdiń kostıými 7 kıimnen turady (taqııa, kóılek, galstýk, shalbar, kýrtka, shulyq, aıaq kıim).

«Kostıýmderdegi ulttyq oıý-órnektiń elementteri tek dekoratıv ǵana emes, sonymen qatar, tarıhı sımvoldyq fýnkııaǵa ıe. Ol álemdi kórkem qabyldaý men qazaqstandyqtardyń estetıkalyq talǵamyn kórsetedi:

«Múıiz» býıvol nemese buǵy sııaqty qudiretti janýarlarǵa tán kúshti, batyldyq pen qorǵanysty bildiredi.

«Qos múıiz» ishki birlik pen úılesimdilikti kórsete otyryp, múıizderdiń sımvolıkasyn kúsheıtedi.

«Qaz moıyn» sporttaǵy beıimdelgishtikti basa kórsete otyryp, ıkemdilikti, eptilik pen raqymdy bildiredi», – delingen jaýapta.

Saltanatty-sporttyq kostıým

Jınaq 4 birlikten turady (sporttyq kostıým, fýtbolka, krossovka, shulyq) jáne «qaz moıyn», «múıiz» jáne «qos múıiz» oıý-órnekterimen bezendirilgen. Sporttyq jarystar kezinde, sondaı-aq, marapattaý rásimderi kezinde kııýge arnalǵan.

Sporttyq kostıým

Jınaqqa 18 túrli kıim kiredi (jattyǵý kostıými, saltanatty kostıým, jel qorǵaǵysh, polo fýtbolkasy 2 dana, fýtbolka 2 dana, shorty, sporttyq short, krossovkalar, qalpaq, sporttyq rıýkzak, dóńgelegi bar sómke, dóńgelekteri bar qol júgine arnalǵan rıýkzak, súlgi, shulyq 2 dana, slanylar).

Tý ustaýshylardyń olımpıadalyq kostıými

Tý ustaýshy erlerge arnalǵan saltanatty kostıým 4 kıimnen turady (sıýrtýk, shalbar, jibek kóılek, bas kıim – bórik).

Tý ustaýshy áıelderdiń saltanatty kostıýmine 2 kıim (keshki kóılek, bas kıim – sáýkele) kiredi.