«Olımpıadadan qýyldy»: Qarsylas komandaǵa tyńshylyq jasaǵan ulttyq qurama jazaǵa tartyldy

Foto: istockphoto.com

Munyń saldarynan bas bapker, onyń kómekshisi ári qurama sarapshysy Parıjden qýylyp, bir jylǵa qyzmetten shettetildi.

FIFA táritip qadaǵalaý komıteti fýtboldan Kanada áıelder quramasyna jaza taǵaıyndady, dep habarlaıdy turkystan.kz FIFA-nyń resmı saıtyna silteme jasap.

Kanadalyqtarǵa jarys aldynda Olımpıadadaǵy alǵashqy qarsylastary Jańa Zelandııa komandasynyń jattyǵýyn dron arqyly baqylady degen aıyp taǵyldy.

Tekserý nátıjesinde Kanada quramasyna 226 myń dollar somasynda aıyppul tóleýge minddetteldi. Ári olardan Olımpıadanyń toptyq týrnırinde jınaǵan kórsetkishten alty upaı alynatyn boldy.

Odan bólek, quramanyń bas bapkeri Beverlı Prıstman men onyń kómekshisi Jasmın Mander jáne Olımpıadaǵa akkredıttelmegen komanda sarapshysy Jozef Lombardı bir jylǵa fýtbolmen baılanysty qyzmetten shettetildi.

Eske sala keteıik, Kanada quramasy Tokıoda ótken Jazǵy Olımpıada oıyndarynda chempıon atanǵan bolatyn.