«О́lsem, bári jeńildeıtin sııaqty»: Enesi men kúıeýinen sharshaǵan tanymal bloger mert boldy

Foto: doctor.guzalya.clinic / Instagram

12 jeltoqsan kúni О́zbekstannyń Samarqand qalasynda 23 jastaǵy bıýtı-bloger jáne kosmetolog Gýzalıa Mahmatqulova óz-ózine qol jumsap, kópqabatty úıdiń terezesinen sekirip ketti. Bul aqparatty О́zbekstan Bas prokýratýrasynyń baspasóz hatshysy Haıot Shamsýtdınov rastady. Bul týraly Nemolchi.uz jazdy, dep habarlaıdy qandastar.kz aqparat portaly.

«Qaıǵyly oqıǵa 12 jeltoqsanǵa qaraǵan túni bolǵan. Qazirgi ýaqytta Samarqand qalalyq prokýratýrasy istiń mán-jaıyn anyqtaý úshin tekseris júrgizip jatyr. Oqıǵa ornynda jedel tergeý toby jumys istep, kýágerlerden jaýap aldy. Qaıtys bolý sebebin anyqtaý úshin sot-medıınalyq saraptama taǵaıyndaldy», — dep jazylǵan habarlamada.

Nemolchi.uz jobasy marqumnyń qurbylarymen jazysqan hat-habarlaryn jarııalady. Onda Gýzalıa kúıeýi men enesiniń qorlyǵy týraly aıtyp, «О́lsem, bári jeńildeıtin sııaqty» dep jazǵan. Uıymnyń habarlaýynsha, Gýzalıa otbasylyq zorlyq-zombylyq qurbany bolýy múmkin jáne bul jaǵdaı onyń óz-ózine qol jumsaýyna sebep bolýy yqtımal.

Bul oqıǵa qoǵamda úlken rezonans týdyrdy. Belgili ánshi Mýnısa Rızaeva Instagram-da: «Búkil О́zbekstan qaıǵyryp jatyr! Bir adam óz erkimen segizinshi qabattan sekirýi múmkin emes. Ol qandaı jaǵdaıǵa jetkizildi? Álde ony ıterip jiberdi me?» dep pikir bildirdi. Bloger Urikguli óziniń Instagram paraqshasynda marqumnyń jazǵan hattaryn bólisip, onyń nekede qandaı qıyndyq kórgeni dıalogtardan aıqyn baıqalatynyn jazdy.

Qazirgi ýaqytta Samarqand prokýratýrasy marqumnyń óz-ózine qol jumsaýyna sebep bolǵan jaǵdaılardy muqııat zerttep jatyr. Bul oqıǵa qoǵamdaǵy otbasylyq zorlyq-zombylyq máselesin qaıta kóterip, quqyq qorǵaý organdary men azamattyq qoǵamnyń nazaryn aýdartty.