سولتۇستىك قازاقستان وبلىسىندا 45 اۋىل جويىلۋ قاۋپىندە تۇر

فوتو: اشىق دەرەككوز

سولتۇستىك قازاقستان وبلىسىندا 45 اۋىل جويىلىپ, اۋىل ءتىزىمى 10%-عا قىسقارۋى مۇمكىن, دەپ حابارلايدى qandastar.kz Orda.kz سايتىنا سىلتەمە جاساپ. 

سولتۇستىك قازاقستان وبلىسى — ەلىمىزدەگى اۋىل سانى بويىنشا ەكىنشى ورىندا. قازىر وڭىردە 268,1 مىڭ ادام تۇراتىن 635 ەلدى مەكەن بار. ستاتيستيكاعا سايكەس, بۇل بۇكىل وبلىس تۇرعىندارىنىڭ جارتىسىنان استامى.

«تۇراقتى حالقى ەلۋدەن از سولتۇستىك قازاقستان وبلىسىنىڭ اكىمشىلىك-اۋماقتىق بىرلىكتەرى جويىلسىن»,
 دەپ قۇجاتتا جازىلعان.

ۇزىن تىزىمگە اققايىڭ جانە ءۋاليحانوۆ اۋداندارىنداعى ءۇش اۋىل, ەسىل اۋدانىندا سەگىز, جامبىل, تايىنشا جانە ماعجان جۇماباەۆ اۋدانىندا التى, قىزىلجار, تيميريازەۆ, شال اقىن جانە عابيت مۇسىرەپوۆ اۋدانىندا تاعى ەكەۋى, مامليۋت اۋدانىندا بەس اۋىل ەندى.

 «وبلىستا سانى 50 ادامنان از 141 اۋىل, ونىڭ ىشىندە ون ادام عانا تۇراتىن 45 اۋىل بار. حالقى جوق جەتى اۋىل بار, ولار جويىلادى. وسى اۋىلداردى رەفورمالاۋ بويىنشا جۇمىستار جۇرگىزىلۋدە. بۇل نەعۇرلىم ساپالى باسقارۋعا جانە بيۋدجەت قاراجاتىن نەعۇرلىم پەرسپەكتيۆالى ەلدى مەكەندەرگە شوعىرلاندىرۋعا اكەلەدى»,سولتۇستىك قازاقستان وبلىسى اكىمىنىڭ ورىنباسارى قانات دۇزەلباەۆ ايتىپ بەردى.

جەتى اۋىل تولىعىمەن جويىلىپ, 38-ءى باسقا ەلدى مەكەندەرگە زاڭدى تۇردە بەرىلەدى.

سولتۇستىك قازاقستان دەموگرافيالىق سالدوسى تەرىس وڭىرلەردىڭ تىزىمىندە ءبىرىنشى جىل ەمەس.  20 جىل ىشىندە حالىق شامامەن ۇشتەن بىرىنە ازايدى. قازىر وبلىستا نەبارى 524 مىڭ ادام تۇرادى.

حالىق قارتايادى, اعا بۋىن قايتىس بولادى, جاستار كەتەدى. تابيعي گاز جوق اۋىلدارعا بىرەۋدى تارتۋ قيىن, بىراق ول سولتۇستىك قازاقستان وبلىسىنىڭ قالالارىندا دا جوق. ينفراقۇرىلىم ۇشتەن ەكىگە توزعان, اۋىلداردىڭ 30% — دان استامىندا ءتىپتى اۋىز سۋ دا جوق.