Jańalyqtar
Oljas Bektenov Abaı óńirindegi ónerkásiptiń damýymen tanysty
![](https://qandastar.kz/wp-content/uploads/2024/07/IMG_7930-780x405.jpeg)
- Foto: Ashyq derekkóz
Úkimet basshysy Oljas Bektenov Abaı oblysynyń ındýstrııalyq damýymen tanysty. Otandyq kásiporyndarǵa, atap aıtqanda iri mashına jasaý óndiristerine jáne qaptama materıaldar men ement shyǵaratyn zaýyttarǵa bardy.
Oljas Bektenov «Qazpolıgraf» JShS óndiristik qýatyn aralap kórdi. 83 jyldyq tarıhy bar eń kóne kombınat tamaq ónerkásibine arnalǵan qaptamalardyń barlyq túrin jasaıdy. Jyl saıynǵy óndiris kólemi qaǵaz jáne karton ydystardyń, polımerli plenkalardan jasalǵan prestelgen jáne qaptama buıymdarynyń shamamen 35,5 myń tonnasyn quraıdy. Barlyq assortıment qazaqstandyq azyq-túlik óndirýshiler arasynda úlken suranysqa ıe, sondaı-aq kórshi elderge eksporttalady.
«Bizdiń zaýyt 1941 jyldan beri jumys isteıdi, munda 700-den astam adam eńbek etedi. Biz oraǵysh materıaldar, gofrlengen qaptamalar, tamaq ónerkásibine arnalǵan japsyrmalar jáne basqa da ónimder shyǵaramyz. Biz plenka, pergament, folga, ekolın sııaqty materıaldardy qoldanamyz. О́nimderdi Reseı, Qyrǵyzstan, О́zbekstan jáne Tájikstanǵa jetkizemiz», — dedi «Qazpolıgraf» JShS syrtqy ekonomıka jónindegi dırektory Qaırat Omarǵalıev.
Premer-Mınıstr óńirdiń jáne jalpy respýblıkanyń azyq-túlik qaýipsizdigin qamtamasyz etetin jergilikti óndirýshilerdiń ónimderimen tanysty. Abaı oblysy kókónisterge, unǵa, makaron jáne et ónimderine degen óz qajettiligin tolyq kólemde jabady (sıyr eti boıynsha – 229%, qus eti boıynsha – 151%). О́tken jyly óńir et óndirýdi 3%-ǵa (83,8 myń tonnaǵa deıin) jáne sút ónimderin óndirýdi 2,4%-ǵa (289,6 myń tonna) ulǵaıtty.
Sonymen qatar Úkimet basshysy 1958 jyly salynǵan «Semeı ement zaýyty» О́K» JShS-de boldy. Kásiporyn 2016 jyldan bastap tolyq jańǵyrtý baǵytyna bet burdy. Menshikti vagondar parki satyp alyndy, óndiristik qýatty arttyrý boıynsha jańa jeliler engizildi, eki peshtiń elektr súzgilerin zamanaýı joǵary tıimdi shań ustaıtyn jabdyqqa aýystyrý boıynsha ekologııalyq jobalar iske asyryldy.
Zaýyttyń qýattylyǵy jylyna 1 150 myń tonna ementti quraıdy. О́nim Qazaqstan naryǵynda satylyp, shetelge eksporttalady.
«Biz orta jáne joǵary deńgeıli taýarlardy óndirýge basa nazar aýdaramyz. Alaıda, sonymen birge barlyq jerde qoldanylatyn ement, beton, temir-beton ónimderi sııaqty negizgi materıaldarmen qamtamasyz etetin kásiporyndar týraly umytpaý kerek. Bıyl Úkimet aldyna rekordtyq 18 mln sharshy metr turǵyn úı salý mindeti qoıyldy. Bul qurylys materıaldaryna suranystyń artýyna ákeledi. «Semeı ement zaýyty» – júıe quraýshy kásiporyndardyń biri jáne qalaǵa áleýmettik kómek kórsetetin bıznestiń jaýapty ókili. Úkimet tarapynan mundaı kásiporyndardy qoldaýdyń barlyq qajetti sharalary qamtamasyz etiledi», — dep atap ótti Oljas Bektenov.
Premer-Mınıstr sonymen qatar «SemAZ» JShS mashına jasaý zaýyty jáne Semeı mashına jasaý zaýytyna bardy. Úkimet basshysyna kásiporyndardyń tehnologııalyq jelilerin damytýdyń aǵymdaǵy qyzmeti men aldaǵy jospary týraly baıandaldy.
Anyqtama: Bıylǵy qańtar-maýsym aılarynda Abaı oblysynda ónerkásip ónimin óndirý kólemi 895,7 mlrd teńgeni qurap, ótken jyldyń osy kezeńindegi kórsetkishimen salystyrǵanda ulǵaıdy (2023 jyly 673,6 mlrd teńge).
JО́О́-degi (jalpy óńirlik ónimdegi) ónerkásiptiń úlesi 3 aıda 41%-dy qurady. Sondaı-aq osy jyly óńirde ónerkásipte jumyspen qamtylǵandar sany — 26,5 myń adamǵa ósti.