ولجاس بەكتەنوۆ اگروبيزنەس وكىلدەرىمەن پرەزيدەنت جولداۋى اياسىندا اوك قولداۋ شارالارى مەن استىق جيناۋ ناۋقانىنىڭ بارىسىن تالقىلادى

پرەمەر-مينيستر ولجاس بەكتەنوۆ وڭىرلەردەگى وتاندىق اگروونەركاسىپ كاسىپورىندارى وكىلدەرىمەن كەڭەيتىلگەن فورماتتا كەزدەسۋ وتكىزدى, وندا اۋىل شارۋاشىلىعى سالاسىن قولداۋ ماسەلەلەرى جانە استىق جيناۋ ناۋقانىنىڭ بارىسى تالقىلاندى, دەپ حابارلادى . مەملەكەت باسشىسىنىڭ «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» اتتى حالىققا جولداۋىندا بەلگىلەنگەن ماقساتتارعا قول جەتكىزۋ جونىندەگى شارالار قارالدى.

كەزدەسۋ بارىسىندا اوك سۋبەكتىلەرىن ۇزاقمەرزىمدى مەملەكەتتىك قولداۋ تاسىلدەرى قارالدى.

«مەملەكەت باسشىسى ءوزىنىڭ حالىققا جولداۋىندا كاسىپكەرلىكتىڭ دامۋى مەن ونى قولداۋ شارالارىنا ەرەكشە نازار اۋداردى. اوك-ءتىڭ تۇراقتى دامۋى – ءبىزدىڭ ازىق-ت ۇلىك قاۋىپسىزدىگىمىزدىڭ كەپىلى, سوندىقتان ۇكىمەت 1 ملن-نان استام ازاماتىمىز جۇمىسپەن قامتىلعان اۋىل شارۋاشىلىعىن قولداۋ شارالارىن جالعاستىرا بەرەدى», — دەپ اتاپ ءوتتى ولجاس بەكتەنوۆ.

اۋىل شارۋاشىلىعى ءمينيسترى ايداربەك ساپاروۆ جانە اقمولا, قوستاناي, سولتۇستىك قازاقستان, جامبىل وبلىستارىنىڭ اكىمدەرى اوك-ءتى مەملەكەتتىك قولداۋ شارالارىن ىسكە اسىرۋ تۋرالى باياندادى.

پرەزيدەنت تاپسىرماسى بويىنشا بيىل ۇكىمەت كوكتەمگى ەگىس جانە استىق جيناۋ ناۋقانىن وڭتايلى جۇرگىزۋ ءۇشىن قاجەتتى جاعدايدىڭ بارلىعىن جاسادى. سالانى جەڭىلدىكپەن قارجىلاندىرۋ كولەمى ءبىرىنشى رەت 3 ەسەدەن استام ۇلعايتىلىپ, رەكوردتىق كورسەتكىشكە, ياعني, 580 ملرد تەڭگەگە جەتكىزىلدى. بۇل قاراجات ەگىنشىلەردى تىكەلەي نەسيەلەندىرۋگە, پايىزدىق مولشەرلەمەنى تومەندەتۋگە جانە فورۆاردتىق ساتىپ الۋعا جۇمسالدى. سىياقى مولشەرلەمەسىن تومەندەتۋ بايتەرەك حولدينگى كوممەرتسيالىق قاراجاتتى تارتۋ ساتىسىندا جۇرگىزىلدى. كەلەسى جىلى قايتا وڭدەۋ كاسىپورىندارىن قارجىلاندىرۋ كەزىندە وسىنداي تەتىك ىسكە قوسىلادى. جالپى, اگروبيزنەسكە مەملەكەت تاراپىنان تۇقىم ماتەريالى مەن تىڭايتقىش ساتىپ الۋدان باستاپ, ەكسپورتتىق قولداۋعا دەيىنگى بارلىق كەزەڭدە جان-جاقتى كومەك كورسەتىلەدى.

پرەزيدەنت تىكەلەي سۋبسيديالاۋدان قولجەتىمدى نەسيە بەرۋگە كوشۋ ارقىلى اوك سۋبەكتىلەرىن قارجىلاندىرۋ كولەمىن ۇلعايتۋ مىندەتىن قويدى. 2025 جىلدان باستاپ شارۋالار قارجى ينستيتۋتتارىنان تىكەلەي ارزانداتىلعان نەسيە الا الادى. سۋبسيديالاۋ ماسەلەلەرى تولىعىمەن اۋىل شارۋاشىلىعى مينيسترلىگىنە جۇكتەلەدى. وسىلايشا, شارۋا سۋبسيديا رەسىمدەۋ بويىنشا ارتىق اۋرە-سارساڭنان قۇتىلادى.

بيىل جەڭىلدەتىلگەن نەسيەلەۋدىڭ رەكوردتىق كولەمىنە قول جەتكىزىلدى. كەلەسى جىلدان باستاپ سالانى قارجىلاندىرۋ كولەمىن ارتتىرىپ, 700 ملرد تەڭگەگە دەيىن جەتكىزۋ جوسپارلانىپ وتىر. پرەمەر-مينيستر ولجاس بەكتەنوۆ بيىلعى جەلتوقسان ايىندا شارۋالارعا كەلەسى جىلدىڭ العاشقى قارجىسى ءتۇسۋى ءتيىس ەكەنىن اتاپ ءوتتى.

اۋىل شارۋاشىلىعى تەحنيكاسىن ساتىپ الۋدى جەڭىلدىكپەن قارجىلاندىرۋ ماسەلەسىنە ەرەكشە نازار اۋدارىلدى. ۇكىمەت بيىلعى بولىنگەن قاراجات كولەمىن ەداۋىر ۇلعايتتى, بۇل 2 مىڭنان استام اۋىل شارۋاشىلىعى تاۋارىن وندىرۋشىلەرگە قولدا بار پاركتى جاڭارتۋعا مۇمكىندىك بەردى. ەل شارۋالارى 19,5 مىڭ اۋىل شارۋاشىلىعى تەحنيكاسىن ساتىپ الدى, جاڭارتۋ دەڭگەيى – 5%-دى قۇرايدى. بۇل كورسەتكىشتى جىل سوڭىنا دەيىن 5,5%-عا, كەلەسى جىلى 6,5%-عا دەيىن جەتكىزۋ جوسپارلانۋدا. سونىمەن قاتار وتاندىق نارىقتىڭ قاجەتتىلىكتەرىن ەسكەرە وتىرىپ, اۋىل شارۋاشىلىعى تەحنيكاسىن شىعاراتىن قازاقستاندىق كاسىپورىنداردىڭ قۋاتىن ارتتىرۋ تاپسىرىلدى.

بيىلعى ناۋرىز ايىندا ەلىمىزدە وتاندىق تىڭايتقىشتاردى ساتىپ الۋ ءۇشىن اۆانستىق سۋبسيديالاۋ تەتىگى ەنگىزىلدى. كوكتەمگى ەگىس جانە ەگىن جيناۋ جۇمىستارىن مەملەكەتتىك قولداۋدىڭ ارقاسىندا بيىل توپىراققا 1,2 ملن توننا تىڭايتقىش ەنگىزىلدى, بۇل وتكەن جىلعى دەڭگەيدەن 2 ەسەگە ارتىق. مەملەكەت باسشىسىنىڭ اۋىل شارۋاشىلىعى جەرلەرىنىڭ توزۋىن ازايتۋ جونىندەگى تاپسىرماسىن ەسكەرە وتىرىپ, اكىمدىكتەر 2025 جىلى تىڭايتقىش ەنگىزۋ كولەمىن 1,9 ملن تونناعا دەيىن ارتتىرۋى قاجەت.

وتاندىق تۇقىم شارۋاشىلىعىن دامىتۋ ماسەلەسىن قاراستىرۋ كەزىندە وسىمدىك شارۋاشىلىعىندا, اسىرەسە كوكونىس, جەمىس جانە باقشا داقىلدارىنا قاتىستى يمپورتتىق تۇقىم ماتەريالدارىن پايدالانۋدى قىسقارتۋدىڭ ماڭىزدىلىعى اتاپ ءوتىلدى. اۋىل شارۋاشىلىعى مينيسترلىگىنە سەلەكتسيا جانە تۇقىم شارۋاشىلىعى جۇيەسىن ساپالى دامىتا وتىرىپ, وسى ماسەلەمەن اينالىسۋ تاپسىرىلدى. سونداي-اق وتاندىق تۇقىم وندىرۋشىلەردىڭ پايداسىنا سۋبسيديالاۋ تەتىگىن قايتا قاراۋ قاجەتتىگى كورسەتىلگەن.

جيىنعا قاتىسۋشىلاردىڭ نازارى ءونىمدى قايتا وڭدەۋ جانە ەكسپورتتاۋ ارقىلى وتكىزۋگە اۋدارىلدى. اشم دەرەكتەرى بويىنشا بيىلعى استىق ءونىمى كەم دەگەندە 20 ملن تونناعا جەتەدى دەپ كۇتىلۋدە. «اتامەكەن» پالاتاسىمەن ساۋدا جانە ينتەگراتسيا مينيسترلىگىنە ءداستۇرلى ونىمدەرمەن شەكتەلمەي, ورتالىق ازيا, قىتاي, اۋعانستان جانە يران سياقتى اۋىل شارۋاشىلىعى ونىمدەرىنىڭ باسىم ەكسپورتتىق نارىعىن كەڭەيتۋ, سونىمەن قاتار ەو ەلدەرى, سولتۇستىك افريكا, وڭتۇستىك-شىعىس ازيا جانە ت. ب. جاڭا باعىتتاردى پىسىقتاۋ تاپسىرىلدى.

پرەمەر-مينيستر ەلىمىزدىڭ ازىق-ت ۇلىك ونىمدەرىمەن ءوزىن-ءوزى قامتاماسىز ەتۋىنىڭ ماڭىزدىلىعىن اتاپ ءوتتى. اۋىل شارۋاشىلىعى سالاسىن جان-جاقتى قولداۋ جانە وعان قولايلى جاعداي جاساۋ باعىتىندا قاجەتتى شارالاردىڭ بارلىعىن قابىلداپ جاتقانىن اتاپ ءوتتى. سونىمەن قاتار بيزنەس تە اشىق ءارى ادال جۇمىس ىستەۋى ءتيىس. مەملەكەتتەن بولىنگەن قاراجاتتىڭ ءتيىمسىز جۇمسالۋىنا جول بەرمەۋ ءۇشىن 2025 جىلى ەلىمىزدە اۋقىمدى اۋىل شارۋاشىلىعى ساناعى جۇرگىزىلەدى. ول جەر جانە ەگىس القابى, مال باسى, اۋىل شارۋاشىلىعى تەحنيكاسى مەن ينفراقۇرىلىم بويىنشا دەرەكتەردى وزەكتەندىرۋگە مۇمكىندىك بەرەدى.

«پرەزيدەنت جولداۋىندا اۋىل شارۋاشىلىعىن دامىتۋ, ونىمدىلىكتى ارتتىرۋ جانە اۋىل تۇرعىندارىن جىل بويى جۇمىسپەن قامتۋ, سالانى ءتيىمدى ءارى اشىق قارجىلاندىرۋ بويىنشا ناقتى مىندەتتەر قويىلدى. اتالعان جۇمىس مەملەكەت پەن بيزنەستىڭ بىرلەسكەن تىعىز قارىم-قاتىناسى شەڭبەرىندە ىسكە اسىرىلۋى ءتيىس. تەك سوندا عانا ءبىز جوعارى ناتيجەگە قول جەتكىزەمىز», — دەپ اتاپ ءوتتى ولجاس بەكتەنوۆ.

***

تالقىلاۋ بارىسىندا وتاندىق اگرو كاسىپكەرلەر سالانى ودان ءارى دامىتۋ بويىنشا ءوز ۇسىنىستارىن ايتتى, سونداي-اق بىرقاتار وزەكتى ماسەلەلەردى كوتەردى.

«بيىل اوك سالاسىن قارجىلاندىرۋدى ۇلعايتۋ بويىنشا اتقارىلعان اۋقىمدى جۇمىستاردى اتاپ وتكىم كەلەدى. فەرمەرلەر بۇل قولداۋدى سەزىندى. جەڭىلدىگى بار نەسيەلەر بىزگە جەتكىلىكتى قاراجات ەسەبىندە ەمەس, قاجەتىنشە جۇمىس ىستەۋگە مۇمكىندىك بەردى. ساپالى تۇقىمدار, ججم, تىڭايتقىشتار ۋاقتىلى ساتىپ الىندى. بارلىق اگروتەحنولوگيالاردى دۇرىس قولدانا وتىرىپ جانە مەملەكەتتىڭ وسىنداي قولداۋىن كورە وتىرىپ, ءبىز ناشار ءونىم الۋعا قۇقىعىمىز جوق. مۇندا مال شارۋاشىلىعى تۋرالى ايتۋىمىز كەرەك: ءيا ول كوپ ەڭبەكتى قاجەت ەتەتىن پروتسەسس, بىراق مال شارۋاشىلىعىندا ادامدار جىل بويى جۇمىس ىستەيدى. جالپى شارۋاشىلىقتار كوپ سالالى بولۋى كەرەك, تەك وسىمدىك شارۋاشىلىعىمەن اينالىسپاي, سونىمەن بىرگە مال باسىن كوبەيتۋ قاجەت. سوندا بىزگە ەكسپورتقا كۆوتا قاجەت ەمەس, ەركىن ساۋدا جاسايمىز, نارىقتاردى جاۋلاپ الاتىن بولامىز. بۇگىنگى كەزدەسۋگە قاتىسۋشىلاردىڭ كوپشىلىگى مال ۇستامايدى. ارىپتەستەر, ءبىز وعان قاتىسۋعا ءتيىسپىز, بارلىعىڭىزدى وسى ىسكە شاقىرامىن», — دەدى فەرمەرلىك قوعامداستىق اتىنان سويلەگەن اوك دامىتۋ ماسەلەلەرى جونىندەگى قوعامدىق كەڭەستىڭ توراعاسى, «زەنچەنكو ي ك» كومپانياسىنىڭ قۇرىلتايشىسى گەننادي زەنچەنكو. سونىمەن بىرگە كاسىپكەر تۇقىم شارۋاشىلىعى جانە ۆەتەريناريا سالاسىنداعى وتاندىق عىلىمدى دامىتۋ ماسەلەلەرىن كوتەرىپ, سالا ءۇشىن كاسىبي كادرلاردى دايارلاۋدىڭ ماڭىزدىلىعىن اتاپ ءوتتى.

قىزىلوردا وبلىسىنىڭ «تاڭ لتد» جشس ديرەكتورى يمامزادا شاعىرتاەۆ كورشى ەلدەرمەن قول جەتكىزىلگەن ۇكىمەتارالىق ۋاعدالاستىقتاردىڭ ناتيجەسىندە ءوڭىردىڭ شارۋالارى بيىل ەگىندىك سۋمەن قامتاماسىز ەتىلگەنىن حابارلادى. بيىل كومپانيا 2 مىڭ گەكتاردان استام القاپقا اۋىل شارۋاشىلىعى داقىلدارىن ەگىپ, ونىڭ 1,5 مىڭ گەكتارىنا جۋىعى كۇرىشكە بولىنگەن. كۇرىش القاپتارىنا لازەرلىك ورنالاستىرۋ جۇرگىزىلدى, بۇل سۋارمالى سۋدى 30%-عا ۇنەمدەۋگە مۇمكىندىك بەردى. بۇگىنگى تاڭدا ءونىمنىڭ 50%-دان استامى جينالدى. كاسىپكەر سۋ ۇنەمدەۋ تەحنولوگيالارىن ەنگىزۋ ءۇشىن فەرمەرلەردى قولداۋدىڭ قوسىمشا شارالارىن پىسىقتاۋ مۇمكىندىگىن قاراستىرۋ تۋرالى ۇسىنىس جاسادى.

سونداي-اق جەتىسۋ وبلىسىنىڭ «حيلنيچەنكو ي ك» سەنىمدى سەرىكتەستىگىنىڭ باسشىسى الەكساندر حيلنيچەنكو ءسوز سويلەدى: «مەملەكەتتىك قولداۋدىڭ تيىمدىلىگىنىڭ جارقىن مىسالى – ءبىزدىڭ وبلىستاعى قانت سالاسى. ءبىر جىل ىشىندە ناتيجەلەر بار: قانت قىزىلشاسى القابى 2023 جىلى 7 مىڭ گەكتاردان 2024 جىلى 13,7 مىڭ گەكتارعا دەيىن ەكى ەسە ءوستى; سوڭعى ونجىلدىقتا 600 مىڭ توننا رەكوردتىق ءونىم الىندى. مۇنىڭ ءبارى اگروتەحنولوگيالاردى ساقتاۋدىڭ ناتيجەلەرى: ءبىز ساپالى تۇقىمدارمەن جۇمىس جاسادىق, تىڭايتقىشتاردى قولداندىق, ۋاقىتىندا وڭدەۋلەر جۇرگىزدىك, سونىڭ ارقاسىندا جوعارى ونىمدىلىك قامتاماسىز ەتىلدى. قانت قىزىلشاسىن وندىرۋشىلەر ونىمدىلىكتى ودان ءارى ارتتىرۋعا دايىن. 2024 جىلى قانتتىڭ جەكە ءوندىرىسى 2 ەسە ءوسىپ, ەلىمىزدىڭ قاجەتتىلىگىنىڭ 22%-نا جەتەدى. قانت قىزىلشاسىن وندىرۋگە باسىمدىق بەرىپ, سۋبسيديالاۋدىڭ مولشەرىن وڭدەۋگە تاپسىرىلعان ءبىر توننا ءۇشىن 15 مىڭ تەڭگەدەن 25 مىڭ تەڭگەگە دەيىن ۇلعايتۋ ماڭىزدى قادام بولعانىن اتاپ وتكىم كەلەدى».

اشم دەرەكتەرىنە سايكەس, بيىل اگروتەحنولوگيالاردى ەنگىزۋ بويىنشا قابىلدانعان شارالاردىڭ جانە جامبىل وبلىسى مەن جەتىسۋ وبلىسىنىڭ ديقاندارى جۇرگىزگەن ءارتاراپتاندىرۋ جۇمىسىنىڭ ناتيجەسى ارقاسىندا قانت قىزىلشاسىنان جوعارى ونىمدىلىك كۇتىلىپ وتىر. قانت قىزىلشاسىن وتكىزۋگە قاتىستى جامبىل وبلىسىنان 450 مىڭ توننا مەركى قانت زاۋىتىندا وڭدەلەدى, قالعان 100-150 مىڭ توننا جەتىسۋ وبلىسىندا ورنالاسقان اقسۋ قانت زاۋىتىنا جىبەرىلەدى. ءوز كەزەگىندە, ءونىمدى قايتا وڭدەۋ 120 مىڭ توننا قانت وندىرۋگە مۇمكىندىك بەرەدى, بۇل ەلىمىزدىڭ قانتپەن ءوزىن-ءوزى قامتاماسىز ەتۋىن ەداۋىر ارتتىرادى.

قۇرامىنا باتىس قازاقستان وبلىسىنىڭ 60-تان استام وزىق شارۋاشىلىقتارى كىرەتىن فەرمەرلىك اگروورتالىق قب توراعاسى, «اگروسەرۆيس-باتىس» كومپانياسىنىڭ باسشىسى ارمات بيسەنوۆ ەلىمىزدىڭ جاس فەرمەرلەرىنىڭ اتىنان ءسوز سويلەدى. ول «كەڭدالا-2» باعدارلاماسىن ەنگىزۋدىڭ ماڭىزىن اتاپ ءوتتى, بۇل تاۋار وندىرۋشىلەردى جەڭىلدىگى بار نەسيەلەندىرۋمەن قامتۋدى بىرنەشە ەسە ارتتىرۋعا جانە اگروتەحنولوگيانى دۇرىس ساقتاۋعا مۇمكىندىك بەردى.

بىرقاتار وڭىرلەردىڭ اگرارشىلارى بەينەكونفەرەنتسبايلانىس رەجيمىندە ۇسىنىستارىن جەتكىزدى. «مايلى داقىلداردىڭ تاجىريبەلىك شارۋاشىلىعىنىڭ» باس ديرەكتورى فاريد ابيتاەۆ (شقو), «جەتىسۋ» اۋىل شارۋاشىلىعى وندىرىستىك كووپەراتيۆىنىڭ باسشىسى جانات يساعۇلوۆ (الماتى وبلىسى), «تۇلپار LTD» جشس ۆالەري گولوۋحوۆ (بقو) مينەرالدى تىڭايتقىشتاردى پايدالانۋ, اۋىل شارۋاشىلىعى ونىمدەرىنە باعا بەلگىلەۋ, سونداي-اق تاۋارلى-ءسۇت فەرمالارىن سالۋ باعدارلاماسى شەڭبەرىندە جەڭىلدىكپەن كرەديتتەۋ تەتىكتەرىنە قاتىستى ماسەلەلەردى كوتەردى.

«اتامەكەن» ۇكپ تورالقاسىنىڭ توراعاسى رايىمبەك باتالوۆ بىرقاتار وزەكتى ماسەلەلەردى ايتتى, ونىڭ ىشىندە اوك سالاسىنداعى مەملەكەتتىك قىزمەتتەردى تسيفرلاندىرۋدىڭ ماڭىزىن اتاپ ءوتتى.

***

سونىمەن قاتار قازىرگى كۇن تارتىبىندەگى ماسەلە – ەگىن جيناۋ ناۋقانىنىڭ بارىسى قارالدى.

ەلىمىزدەگى اۋىل شارۋاشىلىعى داقىلدارىنىڭ جالپى ءونىم جيناۋ الاڭى بيىل 23,3 ملن گا قۇرايدى. بۇگىنگى تاڭدا 11,3 ملن گا ءداندى جانە بۇرشاقتى داقىلدار جينالدى نەمەسە 67,9% (وتكەن جىلى وسىعان ۇقساس كورسەتكىش 42,8%-دى قۇرادى). ورتاشا ونىمدىلىگى 14,7 تس/گا بولعان كەزدە 16,7 ملن توننا استىق باستىرىلدى, بۇل اگروتەحنولوگيالاردىڭ دۇرىس قولدانىلعانىن كورسەتەدى. ەليتالىق تۇقىمداردىڭ ۇلەسى 7,1%-دان 9%-عا دەيىن ءوستى.

پرەمەر-مينيستر جاڭا ەگىندى ساقتاۋ جانە ناننىڭ ساپاسىن جاقسارتۋ ماسەلەسى ماڭىزدى ەكەنىن اتاپ ءوتتى. رەسپۋبليكادا استىقتى ساقتاۋدىڭ جالپى سىيىمدىلىعى 30 ملن توننانى قۇرايدى. اشم مالىمەتىنە سايكەس, كورسەتىلگەن قۋات كولەمى وتكەن جىلداردىڭ اۋىسپالى ءونىم قالدىقتارىن ەسكەرە وتىرىپ, جوسپارلانعان ەگىن ءۇشىن جەتكىلىكتى. استىق قابىلداۋ كاسىپورىندارىنا 2,5 ملن توننا استىق, ونىڭ ىشىندە 1,8 ملن توننا بيداي ءتۇستى. جاڭا ءونىمدى قابىلداۋعا ەلەۆاتورلاردى بوساتۋ ءۇشىن استىقتى اۋىستىرىپ تيەۋ جانە ساتۋ بويىنشا جۇمىس جۇرگىزىلۋدە. ماسەلەن, بيىلعى تامىز ايىندا جانە قىركۇيەكتىڭ 15 كۇنىندە ازىق-ت ۇلىك كورپوراتسياسى مەن قتج 1,2 ملن توننا استىقتى تاسىمالدادى, ونىڭ 1 ملن تونناسى ەكسپورتقا جىبەرىلدى. استىقتىڭ ءبىر بولىگى وزبەكستان مەن قىتايعا ەكسپورتتالادى, قالعان كولەمى ىشكى قاجەتتىلىكتەرگە باعىتتالادى. قىركۇيەك ايىندا قتج-نىڭ جاڭا استىق داقىلىن تاسىمالداۋدى قامتاماسىز ەتۋ جوسپارى 1,9 ملن تونناعا دەيىن ۇلعايدى, 20 كۇن ىشىندە 500 مىڭ توننادان استامى جونەلتىلدى, ونىڭ ىشىندە – 400 مىڭ توننادان استامى ەكسپورتقا شىعارىلدى. قازاقستاندىق استىقتىڭ ءداستۇرلى وتكىزۋ نارىعى – يرانعا جونەلتۋ جاندانعانى بايقالادى.

اۋىل شارۋاشىلىعى جۇمىستارىن ساپالى جۇرگىزۋ ءۇشىن بيىل فەرمەرلەر جەڭىلدەتىلگەن وتىن مەن تىڭايتقىشتاردىڭ جەتكىلىكتى كولەمىمەن قامتاماسىز ەتىلدى. وڭىرلەرگە 226,2 مىڭ توننا ارزانداتىلعان ديزەل وتىنى نەمەسە جوسپاردىڭ 64%-ى جونەلتىلدى. بۇل باعىتتاعى جۇمىس جالعاسۋدا. ەنەرگەتيكا مينيسترلىگى ءداندى جانە مايلى داقىلداردى كەپتىرۋگە قوسىمشا 67,7 مىڭ توننا ديزەل وتىنىن ءبولدى.

ۇكىمەت باسشىسى اعىمداعى جۇمىستىڭ نەگىزگى باسىمدىعىن اتاپ ءوتتى – ەگىن جيناۋ ناۋقانىن وڭتايلى مەرزىمدە اياقتاۋ, جينالعان ەگىندى ساقتاۋ جانە وندىرىلگەن ءونىمدى وتكىزۋدى قامتاماسىز ەتۋ. مۇندا بارلىق مۇددەلى مەملەكەتتىك ورگاندار مەن ۇيىمداردىڭ ۇيلەستىرىلگەن جۇمىسىنىڭ ماڭىزى اتاپ ءوتىلدى.

***

كەزدەسۋ قورىتىندىسى بويىنشا پرەمەر-مينيستر مەملەكەتتىك ورگاندارعا ەلدەگى ەگىن جيناۋ ناۋقانىنىڭ ساپالى اياقتالۋىن قامتاماسىز ەتۋدى, سونداي-اق بيزنەستىڭ بارلىق ۇسىنىستارى مەن تىلەكتەرىن پىسىقتاۋدى تاپسىردى.