ولجاس بەكتەنوۆ اقتوبە وبلىسىنىڭ سۋ تاسقىنىنان زارداپ شەككەن اۋىلدارىندا ءۇي قۇرىلىسى مەن ينفراقۇرىلىمدى قالپىنا كەلتىرۋ جۇمىسىن تەكسەردى

ولجاس بەكتەنوۆ اقتوبە وبلىسىنىڭ سۋ تاسقىنىنان زارداپ شەككەن اۋىلدارىندا ءۇي قۇرىلىسى مەن ينفراقۇرىلىمدى قالپىنا كەلتىرۋ جۇمىسىنىڭ قارقىنىن تەكسەردى

ۇكىمەت باسشىسى ولجاس بەكتەنوۆ اقتوبە وبلىسىنا جۇمىس ساپارى اياسىندا سۋ تاسقىنىنان زارداپ شەككەن تەمىر جانە ويىل اۋداندارىنىڭ تۇرعىندارى ءۇشىن سالىنىپ جاتقان جاڭا ۇيلەر قۇرىلىسىنىڭ قارقىنىمەن تانىستى.

وسى جىلدىڭ 17 شىلدەسىندە وتكەن سۋ تاسقىنىنان كەيىن تۇرعىن ۇيلەر مەن ينفراقۇرىلىمدى قالپىنا كەلتىرۋ ماسەلەلەرى جونىندەگى كەڭەستە اكىمدىك پەن ءتيىستى مينيسترلىككە بەرىلگەن جۇمىستاردى جەدەلدەتۋ, كۇشتەر مەن ارنايى تەحنيكانى جۇمىلدىرۋ بويىنشا تاپسىرمالاردىڭ ورىندالۋى تەكسەرىلدى.

ولجاس بەكتەنوۆ ويىل اۋدانى قاراتال اۋىلىندا سالىنىپ جاتقان ۇيلەردى ارالاپ كوردى, بۇعان دەيىن ولاردىڭ جوسپاردان 15-25 كۇنگە كەشىگۋى تۋرالى ماسەلە كوتەرىلگەن بولاتىن. ەلدى مەكەندە سۋ تاسقىنى سالدارىنان 210 عيمارات زاقىمداندى, ولاردى تەكسەرۋ جۇمىستارى تولىعىمەن اياقتالدى. اۋىل تۇرعىندارى ءۇشىن قايتالاما نارىقتان 60 ءۇي ساتىپ الىندى. جوندەۋگە جاتاتىن 18 نىسان بويىنشا ءتيىستى تولەمدەر جۇرگىزىلدى. اۋىلدا تۇرۋعا جارامسىز دەپ تانىلعان ۇيلەردىڭ ورنىنا 132 تۇرعىن ءۇي سالىنىپ جاتىر.

پرەمەر-مينيستر مەردىگەر كومپانيالاردىڭ ارنايى تەحنيكامەن جانە ەڭبەك رەسۋرستارىمەن قامتاماسىز ەتىلۋ جاعدايىمەن تانىستى. قازىرگى تاڭدا 132 ءۇيدىڭ بارلىعىنىڭ ىرگەتاسى قۇيىلىپ, 120 ۇيدە قابىرعا قالاۋ جۇمىستارى اياقتالدى, 65 ءۇيدىڭ شاتىرى جابىلدى, ال 30 ءۇيدىڭ ىشكى قۇرىلىس-مونتاجداۋ جۇمىستارى جۇرگىزىلىپ جاتىر. ولجاس بەكتەنوۆ قۇرىلىس الاڭدارىنا قوسىمشا كۇش پەن ارنايى تەحنيكا تارتۋدى تاپسىردى.

پرەمەر-مينيستر تەمىر اۋدانى قۇمساي اۋىلىنداعى قۇرىلىس بارىسىن تەكسەردى. سۋ تاسقىنى سالدارىنان مۇندا 46 تۇرعىن ءۇي زاقىمداندى. اۋىل تۇرعىندارى ارنايى ساتىپ الىنعان 18 ۇيگە قونىستاندى, 7 ءۇي جوندەۋدەن ءوتتى. 21 جاڭا ءۇيدىڭ قۇرىلىسى جۇرگىزىلىپ جاتىر, قازىرگى ۋاقىتتا قابىرعا قالاۋ جۇمىستارى تولىعىمەن اياقتالدى. 19 جاڭا عيماراتتىڭ توبەسى جابىلسا, ونىڭ 6-ىندا ىشكى قۇرىلىس-مونتاجداۋ جۇمىستارى جۇرگىزىلۋدە.

پرەمەر-مينيسترگە اقتوبە وبلىسى اكىمىنىڭ ورىنباسارى اسىلبەك ەسەنباەۆ تۇرعىن ءۇيدى, ينفراقۇرىلىمدى قالپىنا كەلتىرۋگە جانە وتەماقى تولەۋگە قاتىستى وڭىردەگى قازىرگى جاعداي تۋرالى باياندادى.

«ينفراقۇرىلىم مەن تۇرعىن ۇيلەر سۋ تاسقىنىنان قاتتى زارداپ شەكتى. پرەزيدەنت جولدار مەن الەۋمەتتىك نىسانداردى رەكونسترۋكتسيالاۋدى, ۇيلەردى قالپىنا كەلتىرۋدى جانە جاڭادان سالۋدى تاپسىردى. بارلىق تاپسىرمالار قىسقا مەرزىمدە ورىندالۋى ءتيىس. بۇل ءۇشىن اكىمدىكتەرگە ۇكىمەت پەن سالالىق مينيسترلىكتەردەن تولىق قولداۋ كورسەتىلەدى», — دەپ اتاپ ءوتتى ولجاس بەكتەنوۆ.

ۇكىمەت باسشىسى وبلىس اۋماعىندا ورنالاسقان گيدروتەحنيكالىق قۇرىلىستاردىڭ جاي-كۇيىنە جەكە توقتالدى. ماسەلەن, 206 قۇرىلىمنىڭ 15-ءى قيراعان. سۋ تاسقىنىنىڭ سالدارىن جويۋ ءۇشىن قازىرگى ۋاقىتتا قاجەتتى جۇمىستار جۇرگىزىلۋدە. گيدروقۇرىلىستار بويىنشا بارلىق پروتسەستەردى جەدەلدەتۋ, سونداي-اق 2025 جىلعى سۋ تاسقىنى كەزەڭىنە دايىندىق ماقساتىندا قاۋىپتىڭ الدىن الۋ تۋرالى تاپسىرمالار بەرىلدى.

سونىمەن قاتار وڭىردە 58 كولىك ينفراقۇرىلىمىن قالپىنا كەلتىرۋ جوسپارلانىپ وتىر. بۇزىلعان جولداردى جوندەۋ جانە رەكونسترۋكتسيالاۋ ءۇشىن قر ۇكىمەتىنىڭ رەزەرۆىنەن 10,2 ملرد تەڭگە, وبلىستىق رەزەرۆتەن 6,4 ملرد تەڭگە ءبولىندى. قازىرگى ۋاقىتتا ساراپتاما ناتيجەلەرى كۇتىلۋدە.

بارلىعى 100 سۋ وتكىزگىش قۇبىردى, 23 كوپىردى, 47,2 كم جولدى سالۋ جانە جوندەۋ جوسپاردا بار.

انىقتاما: اقتوبە وبلىسىندا سۋ تاسقىنى سالدارىنان 4087 جىلجىمايتىن م ۇلىك نىسانى زارداپ شەكتى. ونىڭ 3004-ءىن جوندەۋگە جانە قالپىنا كەلتىرۋگە يەلەرىنە جالپى سوماسى شامامەن 9 ملرد تەڭگەگە وتەماقى تولەندى. 441 وتباسى قيراعان باسپاناسىنىڭ ورنىنا ءۇي مەن پاتەر الدى. جالپى, سۋ تاسقىنىنان زارداپ شەككەن اقتوبەلىكتەر ءۇشىن 503 ءۇي ساتىپ الىنادى. سونىمەن قاتار 55 مەردىگەر كومپانيا 511 ءۇيدىڭ قۇرىلىسىن جۇرگىزۋدە, جۇمىس 86%-عا اياقتالدى.

4 496 وتباسى جالپى سوماسى 1,6 ملرد تەڭگەگە 100 اەك مولشەرىندە الەۋمەتتىك كومەك الدى. 3 861 وتباسىنا 1,3 ملرد تەڭگەگە (150 اەك دەيىن) وتەماقى تولەندى. سۋعا كەتكەن مال ءۇشىن بەرىلگەن مەملەكەتتىك كومەك كولەمى 1,098 ملرد تەڭگەنى قۇرادى. ب ۇلىنگەن 18 الەۋمەتتىك نىساندى قالپىنا كەلتىرۋگە شامامەن 8 ملرد تەڭگە ءبولىندى. ونىڭ ىشىندە 7 جاڭا ءبىلىم بەرۋ جانە دەنساۋلىق ساقتاۋ نىساندارىن سالۋ, 8 ءبىلىم بەرۋ جانە سپورت نىساندارىنا كۇردەلى جوندەۋ جانە قالعان 3 نىسانعا اعىمداعى جوندەۋ جۇرگىزۋ قاجەت.