Oljas Bektenov Almaty qalasyn sýmen qamtamasyz etetin rezervtik júıe salý barysyn tekserdi

Foto: primeminister.kz

Qazaqstan Premer-Mınıstri Oljas Bektenov jumys saparymen Almatyǵa bardy. Negizgi maqsat – Memleket basshysynyń ınjenerlik jáne áleýmettik ınfraqurylymdy jańǵyrtý, kásipkerlikti qoldaý jáne ındýstrııalyq negizdi nyǵaıtý jónindegi tapsyrmalarynyń oryndalýyn qadaǵalaý.

Sorǵy stansasynyń aýmaǵynda Úkimet basshysy megapolıstiń joǵarǵy aýdandaryn sýmen qamtamasyz etýdiń rezervtik júıesin salý jumysynyń qarqynyn tekserdi. Jobanyń mańyzy jerústi sýlaryna táýeldilikke baılanysty. Buǵan deıin 2023 jylǵy 18 tamyzda Almaty qalasyn damytý máseleleri jónindegi keńeste seldiń kóbeıýi jáne ózen sýy laılanýynyń artýyna baılanysty Prezıdent qalanyń joǵarǵy bóligine aýyz sý berýdi shektemeý úshin atalǵan máseleni sheshýge tapsyrma bergen bolatyn. Máselen, Almaty 6 negizgi kózden: Úlken jáne Kishi Almaty, Aqsaı, Qarǵaly ózenderinen jáne Almaty men Talǵar ken oryndarynyń jerasty sý jınaǵyshy arqyly sýmen qamtamasyz etiledi.

Qala turǵyndaryn sýmen turaqty ári úzdiksiz qamtamasyz etý maqsatynda Talǵar jerasty sý jınaǵyshynan táýligine 17 myń m3 kóleminde qoldanystaǵy jelilerdi qosymsha tolyqtyrýǵa jaǵdaı jasaldy. Joba qýattylyǵy 15 myń m3 bolatyn jańa 6 uńǵyma salýdy jáne qýattylyqty 60%-ǵa arttyra otyryp, 6 sorǵy stansasyndaǵy 14 sorǵyny tolyq aýystyrýdy kózdeıdi. Qala ákiminiń orynbasary Asqar Ámrın Prezıdenttiń rezervtik júıe týraly tapsyrmasynyń oryndalǵanyn baıandady.

Sonymen qatar Premer-Mınıstrge Almaty qalasynyń barlyq turǵynyn ortalyqtandyrylǵan sýmen qamtý boıynsha júrgizilip jatqan jumys barysy týraly baıandaldy. О́tken jyly 117 shaqyrym sý qubyry salynyp, 46 shaqyrymy jańǵyrtyldy, bul Almaty turǵyndarynyń 99,3%-yn ortalyqtandyrylǵan sýmen qamtamasyz etýge múmkindik berdi. Alataý, Bostandyq jáne Naýryzbaı aýdandarynyń turǵyndaryn sýmen qamtý máselesin sheshý úshin 4 sý jınaǵysh qurylysy men jobasy júrgizilýde. Bıyl 142 shaqyrym ınjenerlik kommýnıkaııa salý jáne 48 shaqyrym jelini jóndeý josparlanǵan. Qabyldanǵan sharalar jyl sońyna deıin turǵyndardyń 99,6%-yn ortalyq sýmen qamtýǵa jáne jelilerdiń tozý deńgeıin 53,8%-ǵa deıin tómendetýge múmkindik beredi.

Úkimet basshysy halyqtyń aýyz sýǵa qol jetkizýiniń mańyzdylyǵyn atap ótip, ınjenerlik ınfraqurylymdy odan ári jańǵyrtý jóninde birqatar tapsyrma berdi.

«Sýmen qamtý – strategııalyq másele. Qalanyń tynys-tirshiligin qamtamasyz etý júıeleriniń jumys isteýi – ákimdiktiń basty mindeti. О́tken jazda másele bar ekeni baıqaldy. Sondyqtan barlyq bastalǵan jobalardy aıaqtaý mańyzdy. Ákimdik ázirlep jatqan Almaty qalasyn sýmen jabdyqtaý shemasynda turǵyndardy sýmen túrli balamaly kózderden qamtamasyz etý múmkindigi eskerilýi tıis», — dep atap ótti Oljas Bektenov.