Jańalyqtar
Oljas Bektenov Almaty oblysynda «Jaıly mektep» ulttyq jobasynyń iske asyrylý barysyn tekserdi
![](https://qandastar.kz/wp-content/uploads/2024/05/IMG_6442-780x405.jpeg)
Premer-Mınıstr Oljas Bektenov Almaty oblysyna jumys sapary aıasynda Memleket basshysy tapsyrmalarynyń oryndalý barysyn tekserdi. «Jaıly mektep» ulttyq jobasyn iske asyrý aıasynda Alataý qalasyndaǵy 900 oryndyq jańa mektep qurylysynyń jumys qarqynymen tanysty.
Jyl sońyna deıin 3000 m2 alańda ornalasqan jańa bilim berý nysanyn paıdalanýǵa berý josparlanyp otyr. Búginde nysannyń irgetasy men monolıtti qańqasyn ornatý jumystary aıaqtalǵan. Mektep qajetti ınjenerlik-kommýnıkaııalyq ınfraqurylymmen qamtamasyz etilip, qurylys jáne bilim berý salasyndaǵy sony tehnologııalarmen jabdyqtalady.
Úkimet basshysy qurylys jumystaryn belgilengen merzimde sapaly júrgizýdiń mańyzdylyǵyn basa aıtty.
Elimizde 2024-2025 jyldar aralyǵynda Ulttyq joba boıynsha barlyǵy 369 mektep ashý josparlanyp otyr. Atap aıtqanda, Almaty oblysynda 2024-2025 jyldary 53 jaıly mektep salynady. Bıyl 600-den 1500 orynǵa deıingi syıymdylyǵy ár túrli 26 jaıly mektepti paıdalanýǵa berý josparlanýda.
Ulttyq jobanyń sharttaryna sáıkes, barlyq jaıly mektepter oqýshylar men pedagogter úshin joǵary qaýipsizdik sharalaryn, tıisti ınfraqurylymdy jáne qolaıly jaǵdaıdy qamtamasyz ete otyryp, biryńǵaı standartqa saı salynatyn bolady.
Premer-Mınıstr jańa jobalar ázirleýdi jáne memlekettik saraptamadan ótkizýdi jedeldetýdi jáne salynyp jatqan ǵımarattardy paıdalanýǵa berý merzimderiniń saqtalýyn qatań baqylaýda ustaýdy tapsyrdy.
«Bul – Prezıdenttiń megajobasy. Onyń sapaly ári ýaqytynda iske asyrylýyn qatań baqylaýǵa alý qajet. Jaıly mektepterdiń qurylysy balalarymyzdyń sapaly bilim alýyna barlyq jaǵdaı jasaýǵa baǵyttalǵan. Úkimet aldynda 2025 jyldyń sońyna qaraı 740 myń jańa oqýshy ornymen qamtamasyz etý mindeti tur. Qurylys jumystaryn joǵary qarqynmen júrgizý qajet», — dep atap ótti Oljas Bektenov.