Oljas Bektenov baǵany qalaı turaqtandyrýǵa bolatynyn aıtty

Foto: úkimet 

Úkimet otyrysy barysynda Premer-mınıstr ortalyq jáne jergilikti atqarýshy organdarǵa ınflıaııany baqylaý jáne tómendetý jónindegi is-sharalar kesheniniń sapaly oryndalýyn qamtamasyz etýdi tapsyrdy, dep habarlaıdy qandastar.kz Úkimetke silteme jasap.

«Baǵany turaqtandyrý – Úkimet pen ákimdikter jumysynyń mańyzdy basymdyǵy bolyp sanalady. О́ńirler ishki naryqty ónimmen qamtamasyz etý jáne deldaldyq shemalardy anyqtaý jumystaryn kúsheıtýge tıis. Bul oraıda turaqtandyrý qorlary, forvardtyq kelisimder, sýbsıdııalaý jáne baǵa turaqtylyǵyn qamtamasyz etý sııaqty tıimdi quraldar bar. Sonymen qatar áleýmettik mańyzy bar azyq-túlik taýarlaryn óndirýge arnalǵan basym daqyldardyń egis alqaptaryn ulǵaıtý kerek. Barlyq baǵyttar men salalar boıynsha keń aýqymdy sharalardy júzege asyrý turaqty ekonomıkalyq ósimniń berik negizi bolyp sanalady»,

— dep atap ótti Oljas Bektenov.