Oljas Bektenov batys óńirlerdegi sý tasqynynyń ekinshi tolqyny boljamdaryn eskere otyryp gıdroqurylystardyń jaı kúıin tekserdi

Premer-Mınıstr, Sý tasqynyna qarsy is-sharalardy úılestirý jáne sý tasqyny kezeńiniń saldaryn joıý jónindegi respýblıkalyq shtabtyń jetekshisi Oljas Bektenov Batys Qazaqstan oblysynda júrgizilip jatqan jumystardyń barysyn jáne Memleket basshysynyń tapsyrmalaryn oryndaý sharalaryn tekserdi.

О́ńirde sý tasqynyna qatysty kúrdeli jaǵdaı qalyptasyp otyr. Osyǵan baılanysty Úkimet basshysy tikushaqpen aralaý kezinde Jaıyq ózeni arnasynyń jaı-kúıimen tanysty. Úkimet basshysy eldi mekenderge keletin sýdyń kólemin azaıtý maqsatynda sý qoımalary júıesinde sýdy barynsha jınaqtaý jóninde tapsyrmalar berdi.

Turǵyzylǵan bógetterdi qarap shyqqannan keıin Oljas Bektenov turǵyndardyń ómiri men densaýlyǵyn jáne múlkin barynsha qorǵaý úshin jumys qarqynyn báseńdetpeýdi tapsyrdy.

«Qazirgi ýaqytta Aqtóbe, Qostanaı, Qulsary qalalaryndaǵy jaǵdaı turaqtalyp keledi. Petropavlda sý tasqynynyń sharyqtaý shegi bastalady, munda negizinen baý-baqsha seriktestikteri sý basý aımaǵynda qalmaq. Jaıyq ózeninde kúrdeli jaǵdaı seıilmedi. Aýqymdy sý kólemi Reseı Federaııasy aýmaǵynda aıtarlyqtaı shyǵyn keltirip, Oral men Atyraýǵa qaraı jyljyp keledi. Búginde Jaıyq ózenindegi sý deńgeıi 7,2 metrdi qurap, kún saıyn artyp keledi. Qaýip belgisi – 8,5 metr. Sýdyń qaýipti deńgeıin ustap turýǵa múmkindik beretin qorǵanys bógetteri salyndy. Qazir basty mindet – Oral men Atyraýdy tasqynnan saqtap qalý. Ol úshin ákimdikterdiń, TJM, Qorǵanys mınıstrligi men Ulttyq ulannyń arnaıy tehnıkalyq kúshteri jumyldyryldy. Eriktiler kóp kómek kórsetýde. Azamattardyń qaýipsizdigin qamtamasyz etý maqsatynda Batys Qazaqstan jáne Atyraý oblystarynyń ákimderine qajet bolǵan jaǵdaıda sý basý aımaǵyndaǵy úılerin tastap shyǵýdan bas tartqan turǵyndardy májbúrli túrde evakýaııalaý tapsyryldy. Bul rette barlyq bos úıler polıııanyń táýlik boıy baqylaýynda bolady», — dep atap ótti Oljas Bektenov.

Sonymen qatar Úkimet basshysy turǵyndardyń saýaldary negizinde ákimdikterge sý tasqynynan keltirilgen zalaldy óteý algorıtmin túsindirý jumystaryn júrgizýdi tapsyrdy.

«Sý tasqynynyń bastalý ýaqyty ár óńirde ártúrli.  Keıbir turǵyndar ótinish berý merzimine qatysty alańdap otyr. Ýaqyt shekteýlerine qaramastan turǵyndardyń ótinishterin qabyldaý qajet. Joǵaryda aıtqanymdaı, bıýrokratııalyq áreketterge jol berilmeýge tıis», — dep atap ótti Oljas Bektenov.