Oljas Bektenov qaldyqtarǵa qatysty jańa tujyrymdama ázirleýdi tapsyrdy

Foto: Úkimet

Qaldyqtardyń barlyq túrin basqarý tujyrymdamasy 1 qyrkúıekke deıin ázirlenedi, – dep habarlaıdy qandastar.kz

Úkimet otyrysynda Premer-Mınıstr Oljas Bektenov Ekologııa jáne tabıǵı resýrstar mınıstrligine múddeli memlekettik organdarmen birlesip, 1 qyrkúıekke deıin qaldyqtardy basqarý proesterin ortalyqtandyrýǵa, barlyq múddeli taraptardy tartýǵa, ıkldik ekonomıka modelin qurýǵa baǵyttalǵan qaldyqtardyń barlyq túrin basqarý tujyrymdamasyn ázirleýdi tapsyrdy. О́nerkásip jáne Energetıka mınıstrlikterine óndiristik qaldyqtardy qaıta óńdeý boıynsha ónerkásiptik jáne energetıkalyq kásiporyndardy qoldaý men yntalandyrýdyń naqty sharalaryn ázirleý tapsyryldy. Bul kómir hımııasy, qurylys materıaldaryn jasaý, jerde sırek kezdesetin metaldardy alý salalarynda jańa óndirister qurýǵa múmkindik beretini atap ótildi.

Ekologııa, Energetıka mınıstrlikteri ákimdiktermen birlesip, eki apta merzimde qaldyqtardy energetıkalyq kádege jaratý salasyndaǵy jobalar tizbesin anyqtaýy qajet. Áleýetti ınvestorlar tartý úshin sáýir aıynda aýkıon uıymdastyrý jospary bar.

Búgingi Úkimet otyrysynda kommýnaldyq jáne óndiristik qaldyqtardy qaıta óńdeý jobalaryn iske asyrýǵa erekshe nazar aýdaryldy.

«Jyl saıyn otandyq kásiporyndarda 1 mlrd tonnaǵa jýyq qaldyq jınaqtalyp qalady. Olardy qaıta óńdeý kólemi shamaly, nebári 11%-dy quraıdy. Al damyǵan elderde bul kórsetkish 70-80%-ǵa jetedi. Sonymen qatar ken oryndaryndaǵy úıindilerdiń quramynda baǵaly jáne sırek kezdesetin metall qospalary bar. Olardy alý úshin tıimdi jańa tehnologııalardy qoldaný qajet. Energetıka kásiporyndarynyń kúl úıindileri de kóbeıip barady. Barlyq qaldyqtardy tıimdi basqarýdyń aıqyn júıesin jasap, ony ıfrlandyrý qajet. Durys tásilderdi qoldaný arqyly qaldyqtardy joıyp qana qoımaı, olar óńdelip, qaıtadan kádege jaratylýǵa tıis», – dep atap ótti Oljas Bektenov.