Oljas Bektenov quqyq buzýshylyqtyń aldyn alý jónindegi komıssııa otyrysyn ótkizdi

Foto: primeminister.kz

Jıynda qoǵamdyq qaýipsizdikti qamtamasyz etýdiń negizgi máseleleri qaraldy. Balalarǵa qatysty zorlyq-zombylyqtyń aldyn alý jáne jasóspirimder arasyndaǵy qylmysqa, kıberqylmysqa qarsy is-qımyl, quqyq buzýshylyq profılaktıkasy salasynda túsindirý jumystary boıynsha qabyldanyp jatqan sharalarǵa erekshe nazar aýdaryldy, dep jazdy qandastar.kz

Premer-mınıstr qoǵamdyq quqyqtyq tártipti qamtamasyz etý boıynsha jumystyń mańyzdylyǵyn atap ótti.

«Prezıdent zań men tártip memleket pen qoǵamnyń eń basty qaǵıdatyna aınalýy kerektigin aıqyndap berdi. Bul – Memleket basshysy saıasatynyń basty negizderiniń biri. Prezıdenttiń bul tapsyrmasyn buljytpaı iske asyrý – barlyq memlekettik organnyń, eń aldymen, quqyq qorǵaý qurylymdarynyń mindeti. Polıııa kez-kelgen, tipti kishigirim quqyq buzýshylyqtarǵa birden den qoıýy tıis. Bul – quqyqtyq tártipti qamtamasyz etýdiń birden-bir joly», — dep atap ótti Oljas Bektenov.

Memleket basshysy bekitken 2024-2028 jyldarǵa arnalǵan qoǵamdyq qaýipsizdikti qamtamasyz etý tujyrymdamasyn iske asyrý barysy qaraldy. Ishki ister mınıstri Erjan Sádenov bıyl 28 is-sharanyń oryndalǵanyn baıandady. Máselen, Urlyqqa qarsy is-qımyl boıynsha ázirlengen baǵdarlama olardyń sanyn 29%-ǵa qysqartýǵa jáne qylmystardyń ashylý deńgeıin 54,4%-ǵa deıin arttyrýǵa múmkindik berdi. Turmystyq zorlyq-zombylyqqa qarsy kúres boıynsha salalyq bólimsheler quryldy. Endi otbasylyq janjaldarǵa shaqyrylǵan kezde jábirlenýshiler týraly saýalnama toltyrylady, 1 myń qasaqana zábir kórsetýshi anyqtalyp, olarǵa psıhokorrekııalyq jumys júrgizilýde. О́z kezeginde, esepke alynǵandarǵa qatysty elektrondy baqylaý quraldaryn qoldaný qylmystyń qaıtalaný qaýpin 13%-ǵa deıin tómendetýge múmkindik berdi.

Balalarǵa qatysty zorlyq-zombylyqtyń aldyn alý jáne jasóspirimder arasyndaǵy qylmysqa qarsy is-qımyl sharalary týraly oqý-aǵartý mınıstri Ǵanı Beısembaevtyń baıandamasy tyńdaldy. 2013 jyldan beri kámeletke tolmaǵandar arasyndaǵy qylmystyq quqyq buzýshylyqtar sany 55%-ǵa azaıǵan. Elimizdiń mektepterinde buzaqylyqqa qarsy 2 baǵdarlama – KiVa jáne otandyq DosbolLike ázirlemesi iske qosyldy. Memleket basshysynyń tapsyrmasy boıynsha psıhologııalyq qyzmettiń biryńǵaı júıesi ázirlendi: búginde elimizdiń barlyq óńirinde 20 Qoldaý ortalyǵy jumys isteıdi. Bıylǵy 1 qyrkúıekten bastap «Birtutas tárbıe» baǵdarlamasy iske qosyldy. Sonymen qatar bilim berý uıymdarynda jeke qaýipsizdik boıynsha sabaqtar ótkiziledi.

ıfrlyq damý, ınnovaııalar jáne aeroǵarysh ónerkásibi vıe-mınıstri Ashat Orazbek kıberqylmysqa qarsy is-qımyldyń keshendi jumysy sheńberinde 2024 jyly derbes derekterge qoljetimdilikti baqylaý memlekettik qyzmeti engizilgenin aıtty. eGov júıesindegi STOP-nesıe fýnkııasy iske qosyldy, ol qaryzdardy onlaın resimdeýden bas tartýǵa múmkindik beredi. Atalǵan fýnkııany búginde 1,4 mıln-nan astam azamat paıdalanyp úlgerdi. Sonymen qatar uıaly baılanys arqyly alaıaqtyqqa qarsy kúresý algorıtmderin ázirleý boıynsha jumys toby quryldy.

Sondaı-aq Jambyl jáne Atyraý oblystarynyń ákimderi tyńdaldy, olar «Beınebaqylaý júıelerimen jappaı qamtý»  jobalary, ýaqytsha beıimdeý ortalyqtaryn ashý jáne basqa da jobalar aıasyndaǵy jumysty kúsheıtý qajettigin aıtty.

«Bizdiń maqsatymyz – qylmystyń aldyn alýdyń birtutas júıesin qurý. Tujyrymdamany iske asyrý barysynda úkimettik emes uıymdar men qoǵamdyq birlestikterdi belsendi tartý qajet. Azamattardyń qaýipsizdik deńgeıi bizdiń birlesken jumysymyzdyń tıimdiligine baılanysty. IIM-niń esepterinen elimizde kún saıyn aýyr qylmystar, onyń ishinde kisi óltirý oqıǵalarynyń oryn alyp otyrǵanyn kórip júrmin. Adam ólimine ákeletin jazataıym oqıǵalardyń kópshiligi mas kúıinde bolady. Bıyl buzaqylyq pen bandıtızmge baılanysty el ishin shýlatqan birqatar oqıǵa oryn aldy. Jergilikti polıııa qyzmetkerleri qaýip-qaterdi anyqtap, turǵyndar arasynda aldyn ala profılaktıkalyq jumystar júrgizýi tıis», — dep atap ótti Premer-mınıstr. Mádenıet jáne aqparat mınıstrligine mundaı jaǵdaılarǵa der kezinde den qoıýdy, BAQ pen áleýmettik jelilerde azamattardy obektıvti túrde habardar etýdi tapsyrdy.

Otyrys qorytyndysy boıynsha Premer-mınıstr Qoǵamdyq qaýipsizdikti qamtamasyz etý tujyrymdamasyn sapaly júzege asyrý boıynsha birqatar tapsyrma berdi.

• Quqyq buzýshylyqtyń aldyn alý aspektileriniń barlyǵyn qamtýdy keńeıtý, azamattardyń qaýipsiz orta qalyptastyrý úshin sheshimder qabyldaý proesine qatysý múmkindigin qarastyrý, olardyń iske asyrylýyn baqylaý;¶
• Jasóspirimder arasyndaǵy qylmystyń aldyn alý úshin kámeletke tolmaǵandardy oqýǵa, jumysqa, qoǵamdyq ómirge qatysýǵa yntalandyrý tetikterin qalyptastyrý;
• Oqý-aǵartý mınıstrligine múddeli memlekettik organdarmen birlesip, qosymsha sharalar ázirleı otyryp, jasóspirimder arasyndaǵy quqyq buzýshylyqtyń aldyn alý salasynda iske asyrylyp jatqan is-sharalardyń tıimdiligine taldaý júrgizý;
• Ishki ister mınıstrligine esirtkiniń jańa túrleri paıda bolýyn eskere otyryp, tıisti bólimshelerdiń jumysyn synı turǵydan baǵalap, esirtkiniń zańsyz aınalymyna qarsy kúresti kúsheıtý sharalaryn qabyldaý;
• Ishki ister mınıstrligine ıfrlyq tehnologııalardyń keńinen enýi alaıaqtyq sanynyń ósýimen qatar júretinin eskerip, azamattardy alaıaqtardan qorǵaý boıynsha túbegeıli sharalar qabyldaý tapsyryldy.