جاڭالىقتار
ولجاس بەكتەنوۆ قۇتقارۋشىلار مەن الدىڭعى ساپ قىزمەتكەرلەرىنە تج جاعدايىنداعى جۇمىسى ءۇشىن العىس ءبىلدىردى
ۇكىمەت وتىرىسىندا قر پرەمەر-ءمينيسترى ولجاس بەكتەنوۆ ەلىمىزدەگى سۋ تاسقىنى جاعدايىنا قارسى كۇرەسكە قاتىسۋشىلارعا العىس ايتتى.
ۇكىمەت باسشىسى قازاقستان ازاماتتارىنا قۇتقارۋشىلارعا بارىنشا كومەك كورسەتۋگە جانە ولاردىڭ جۇمىسىنا كەدەرگى كەلتىرمەۋگە شاقىردى.
مينيسترلەر كابينەتى باسشىسىنىڭ ايتۋىنشا, توتەنشە جاعدايلار ورگاندارى قىزمەتكەرلەرى مەن قۇتقارۋشىلاردىڭ جۇمىسى وتە قيىن جانە قاۋىپ-قاتەرگە تولى.
باتىس قازاقستان وبلىسىندا سەرجانت باتىربەك قاپسىقوۆ قىزمەتتىك مىندەتىن اتقارۋ كەزىندە ەكى بىردەي پىشاق جاراقاتىن العان. قىلمىسكەر ۇستالدى.
اقتوبە وبلىسىندا تاسقىن جاعدايىندا قۇتقارۋ قىزمەتتەرىنىڭ جۇمىسشىلارى جۇكتى ايەلدى بوساندىرىپ الدى. ولاردىڭ ءىس-ارەكەتىنىڭ ارقاسىندا اناسى مەن جاڭا تۋعان ەگىزدەر قۇتقارىلدى.
كۇشتىك قۇرىلىمداردىڭ قىزمەتكەرلەرى مەن قۇتقارۋشىلار شىن مانىندە باتىلدىق كورسەتۋدە.
«وسى مۇمكىندىكتى پايدالانا وتىرىپ, مەن قازىرگىدەي قيىن جاعدايدا ەل تۇرعىندارىنا كومەك قولىن سوزىپ جاتقان قۇتقارۋشىلارعا, ۇشقىشتارعا, ىشكى ىستەر مينيسترلىگى مەن ۇلتتىق ۇلاننىڭ قىزمەتكەرلەرىنە, مەديتسينا قىزمەتكەرلەرىنە جانە قاتارداعى ەرىكتىلەرگە العىسىمدى بىلدىرگىم كەلەدى», — دەدى ولجاس بەكتەنوۆ.
