جاڭالىقتار
ولجاس بەكتەنوۆ: مەملەكەتتىك قىزمەتتە قىسقارتۋ قاجەت
فوتو: اشىق دەرەككوز
مەملەكەتتىك اپپاراتتاعى ارتىق ادامداردى تسيفرلاندىرۋ ارقىلى قىسقارتۋ كەرەك. پرەمەر-مينيستر ولجاس بەكتەنوۆ وسىلاي دەيدى. مەملەكەتتىك اپپاراتتىڭ تيىمدىلىگىن ارتتىرىپ, ارتىق شىعىنداردان قۇتىلۋ كەرەك. بۇل بارشا مەملەكەتتىك ورگاندارعا قاتىستى ەكەنىن ايتتى. بۇدان بولەك, ەندى تۇرعىندار ۇيدەن شىقپاي-اق زاڭ كەڭەسىن الۋعا مۇمكىندىك الادى. مينيسترلىك ارنايى چات-بوت دايىنداپ جاتىر, دەپ حابارلايدى qandastar.kz
بۇل جايلى Astanatv اقپارات تاراتتى:
ەرلان سارسەمباەۆ, قر ادىلەت ءمينيسترى:
ازاماتتاردىڭ وتەۋسىز نەگىزدە قۇقىقتىق كەڭەس الۋ تەتىگى پىسىقتالۋدا. قازىر مەملەكەت كەپىلدىك بەرگەن زاڭ كومەگى اياسىندا كەڭەس الۋ ءۇشىن ازاماتتار ادۆوكاتتارعا نەمەسە زاڭ كەڭەسشىلەرىنە جۇگىنەدى. بۇل ءراسىمدى وڭتايلاندىرۋ ءۇشىن ازاماتتارعا «ۇيدەن شىقپاي» كەڭەس بەرۋگە ارنالعان چات-بوتتى ەنگىزۋ ۇسىنىلادى.
سونىمەن قاتار, اتقارۋشىلىق جازبا جاساۋ مەحانيزمى دە اۆتوماتتاندىرىلادى. سەبەبى اتقارۋشىلىق جازبالار بورىشكەردىڭ جازباشا مويىنداۋى بولماسا دا جاسالعان. ونى نوتاريۋستار ميكروقارجى ۇيىمدارىمەن, كوللەكتورلىق كومپانيالارمەن جانە جەكە سوت ورىنداۋشىمەن الدىن الا كەلىسىم بويىنشا جاساپ وتىرعان.
ولجاس بەكتەنوۆ, قر پرەمەر-ءمينيسترى:
قۇقىق قولدانۋ ماسەلەسى جانە وتىنىشتەر مەن شاعىمداردىڭ ءوسۋى بۇل سالادا جۇيەلى شارالار قابىلداۋ قاجەتتىگىن كورسەتەدى. بۇل «ە-نوتاريات» جۇيەسىندە جەكە كابينەت اشۋعا, اتقارۋشىلىق جازبالاردى بورىشكەردىڭ تىركەلگەن جەرى بويىنشا عانا جاساۋعا, ولاردى نوتاريۋستار اراسىندا اۆتوماتتى تۇردە بولۋگە قاتىستى بولىپ وتىر.
