ولجاس بەكتەنوۆ مينيسترلىك پەن اكىمدىكتەرگە قانداي تاپسىرما بەردى?

فوتو: ۇكىمەت

ۇكىمەت وتىرىسىندا پرەمەر-مينيستر ولجاس بەكتەنوۆ جاڭا جول جوبالارى بويىنشا جۇمىستاردى ۋاقىتىلى جۇرگىزۋ ماسەلەسىن كوتەردى, – دەپ حابارلايدى qandastar.kz

كولىك ءمينيسترى مارات قاراباەۆ جەردى ۋاقىتىلى الىپ, كارەرلەرگە ليتسەنزيا بەرۋ قارقىنى تۋرالى باياندادى.

پرەمەر-مينيستر قۇرىلىس جۇمىستارىنىڭ كەشەۋىلدەۋىنە جانە ولاردىڭ قۇنى قىمباتتاۋىنا جول بەرمەۋ ءۇشىن الدىن الا دايىندىق جۇمىستارىن جۇرگىزۋ قاجەتتىگىن باسا ايتتى.

«الداعى ۋاقىتتا جوبالاردىڭ قىمباتتاپ, مەرزىمدەردىڭ سوزىلىپ كەتۋىنە جول بەرمەۋ ءۇشىن بارلىق دايىندىق جۇمىستارىن ەرتە باستان جۇرگىزۋ كەرەك», – دەپ اتاپ ءوتتى پرەمەر-مينيستر.

اكىمدىكتەرگە بولاشاق جوبالار ءۇشىن ۋچاسكەلەردى رەزەرۆكە قويىپ, ول جەرلەردى بەرۋگە جانە نىسانالى ماقساتىن وزگەرتۋگە موراتوري جاريالاۋ تاپسىرىلدى. ونەركاسىپ مينيسترلىگى اكىمدىكتەرمەن بىرلەسىپ, اۆتوجول جوبالارىنا تارتىلعان كارەرلەردىڭ قۇجاتتارىن راسىمدەۋى قاجەت. ال كولىك مينيسترلىگىنە جول سالۋعا قاجەتتى جەرلەردى مەملەكەت مۇقتاجى ءۇشىن جەدەل ساتىپ الۋدى زاڭنامالىق رەتتەۋ ماسەلەسىن پىسىقتاۋدى تاپسىردى.