Oljas Bektenov otandyq taýar óndirýshilerdi qoldaý boıynsha «Báıterek» holdıngi quraldarynyń tıimdiligin arttyrýdy tapsyrdy

Foto: primeminister.kz

Qazaqstan Premer-Mınıstri Oljas Bektenovtiń tóraǵalyǵymen «Báıterek» ulttyq basqarýshy holdıngi» AQ dırektorlar keńesiniń otyrysy ótti, dep habarlaıdy qandastar.kz primeminister.kz silteme jasap.

Úkimet basshysyna holdıngtiń ınvestıııalyq jáne qarjylyq qyzmetiniń, onyń enshiles qurylymdarynyń nátıjeleri jáne memlekettik baǵdarlamalardy iske asyrý sheńberinde otandyq taýar óndirýshilerdi qoldaýdyń jańa quraldaryn engizý boıynsha júrgizip jatqan jumystary týraly aqparat berildi.

«Báıterek» UBH basqarma tóraǵasy Rýstam Qaraǵoıshın azyq-túlik ónerkásibi kásiporyndarynyń aınalym kapıtalyn qarjylandyrý baǵdarlamasyn ázirleý barysy týraly baıandady, onyń aıasynda otandyq taýar óndirýshilerge AО́K-degi óńdeýshilerge taýarlyq nesıe berý jáne faktorıng sııaqty qysqamerzimdi saýda qarjylandyrý quraldary usynylady. Bul sharalar jumys istep turǵan óndiristerdiń aınalym kapıtalyn kóbeıtýge múmkindik beredi ári jańa kásiporyndar ashýǵa jaǵdaı jasaıdy.

Holdıngtiń enshiles qurylymy – «Agrarlyq nesıe korporaııasy» AQ ósimdik sharýashylyǵyn qoldaýǵa baǵyttalǵan «Syıaqy mólsherlemesin bólý» pılottyq jobasyn iske qosty. Sharýalarǵa jeńildikpen qarjy beriledi, bul rette mólsherleme bıýdjet qarajaty emes, taýar jetkizýshiler esebinen sýbsıdııalanady. «FOODGRAIN» JShS oń nátıje oń kórsetse, jobanyń el boıynsha taralý aýqymyn keńeıtý josparlanýda.

Qurylys materıaldarynyń otandyq onlaın platformasyn material.kz taýar bırjalarymen ıntegraııalaý máselesi pysyqtalýda, bul qurylys materıaldary naryǵynda baǵa belgileýdiń ashyqtyǵyn arttyrýǵa múmkindik beredi. Platformada 217 otandyq qurylys materıaldaryn óndirýshi men jetkizýshi tirkelgen, 614 taýar sanaty ornalastyrylǵan.

«Báıterek» UBH tarapynan kórsetiletin bıznesti qoldaý sharalary sheńberinde qarjylandyrý somasynyń keminde 30% mólsherinde otandyq taýarlar men qyzmetterdi satyp alý negizgi ólshem bolyp sanalatyn jobalarda el ishindegi qundylyqty saqtaý boıynsha ózara mindettemeler qarastyrylǵan. Úkimet basshysy Oljas Bektenov bul shekti kórsetkishti arttyrý maqsatynda qaıta qaraýdy tapsyrdy.

«Jaqynda men Úkimet otyrysynda Ekonomıkalyq patrıotızm saıasatyn ustanatynymyzdy aıttym. Memlekettik damý ınstıtýttary esebinen qarjylandyrylatyn jobalardaǵy elishilik qundylyqtyń úlesi edáýir joǵary bolýǵa tıis. Árbir jobany taldap, memlekettik qoldaý alýshylarǵa tek qana qazaqstandyq óndiristiń jabdyqtaryn, materıaldaryn, basqa da taýarlaryn satyp alý boıynsha mindettemeler qoıý qajet», — dep atap ótti Oljas Bektenov.

Úkimet basshysy holdıng basshylyǵyna jáne beıindi mınıstrlikterge otandyq taýar óndirýshilerdi qoldaýdyń qoldanystaǵy quraldarynyń tıimdiligin arttyrýdy, olar týraly bıznesti aqparattandyrý jónindegi jumysty kúsheıtýdi tapsyrdy.

Keńes qorytyndysy boıynsha «Báıterek» UBH AQ-nyń 2023 jylǵy jyldyq esebi, 2014-2023 jyldarǵa arnalǵan damý josparynyń oryndalýy jónindegi esebi jáne basqa da birqatar qujattar bekitildi.

Anyqtama: «Báıterek» UBH qurylymdyq bólimsheleri bir jarym jyl ishinde otandyq óndirýshilerge 1,2 trln teńgege qoldaý kórsetti. Lızıngtik qarjylandyrý aıasynda qazaqstandyq 27 óndirýshige qoldaý kórsetilip, 677,5 mlrd teńgege 22 myńǵa jýyq kólik tehnıkasy satyldy. Qazaqstannyń Damý banki jelisi boıynsha taýarlardy, jumystar men qyzmetterdi satyp alýdyń jalpy kólemi 181,2 mlrd teńgeni qurady, onyń ishinde otandyq óndirýshilerdiń úlesi – 106,3 mlrd teńge. Eksporttyq-kredıttik agenttiktiń qabyldanǵan mindettemeleriniń kólemi 466,9 mlrd teńgeni, eksporttyq túsim – 860 mlrd teńgeni qurady. «Qazaqstan Investment Corporation» AQ 26 mlrd teńgege 9 jobaǵa qoldaý kórsetti.