ولجاس بەكتەنوۆ «سامۇرىق-قازىنا» ۇلتتىق ءال-اۋقات قورى» اق ديرەكتورلار كەڭەسىنىڭ وتىرىسىن وتكىزدى

فوتو: اشىق دەرەككوز

پرەمەر-مينيستر ولجاس بەكتەنوۆ «سامۇرىق-قازىنا» ۇلتتىق ءال-اۋقات قورى» اق ديرەكتورلار كەڭەسىنىڭ وتىرىسىن وتكىزدى. نەگىزگى مىندەت – قور كومپانيالارى توبىنىڭ مىسالىندا مەملەكەت باسشىسىنىڭ ەكونوميكانى ىرىقتاندىرۋ جونىندەگى تاپسىرمالارىنىڭ ورىندالۋىن قاداعالاۋ. قوردىڭ باسقارما توراعاسى نۇرلان جاقىپوۆ بيىلعى 11 ايداعى وندىرىستىك جانە قارجىلىق كورسەتكىشتەر بويىنشا بايانداما جاسادى, دەپ جازادى qandastar.kz

قازىرگى ۋاقىتتا «سامۇرىق-قازىنا» اق كومپانيالار توبىنىڭ ينۆەستيتسيالىق پورتفەلى جالپى سوماسى 53,5 ترلن تەڭگەنى قۇرايتىن 130-عا جۋىق جوبانى قامتيدى.

ۇكىمەتتىڭ ەرەكشە باقىلاۋىندا تۇرعان 44 ينۆەستيتسيالىق ءىرى جوبانىڭ ىسكە اسىرىلۋ بارىسى قارالدى. اتالعان جوبالارعا مۇناي-گاز, مۇناي حيمياسى, ەنەرگەتيكا, كولىك-لوگيستيكا جانە تاۋ-كەن سەكتورلارىنداعى سالىنعان قارجىنىڭ جالپى كولەمى 28,8 ترلن تەڭگەنى قۇرايدى. بۇگىنگى تاڭدا 23 جوبا بويىنشا ەرس-كەلىسىمشارتتار جاسالدى, بۇل رەتتە 15 جوبا بويىنشا قۇرىلىس-مونتاجداۋ جۇمىستارى جۇرگىزىلۋدە. قالعاندارى ىسكە اسىرۋدىڭ ءتۇرلى كەزەڭدەرىندە.

قوردىڭ باسقارما توراعاسى نۇرلان جاقىپوۆ «تالدىقورعان – ءۇشارال» ماگيسترالدى گاز قۇبىرىن سالۋ جوباسى بويىنشا جوسپارلانعان 302 شاقىرىمدىق گاز قۇبىرىنىڭ 95,5 شاقىرىمى تارتىلعانىن, جۇمىستار مەرزىمىنەن بۇرىن جۇرگىزىلىپ جاتقانىن باياندادى. «دوستىق – مويىنتى» تەمىرجول ءدالىزىن جاڭعىرتۋ اياسىندا جوسپارلانعان 836 شاقىرىم جولدىڭ 786 شاقىرىمى سالىندى, بۇل دا وسى كەزەڭدەگى جوسپارلى كورسەتكىشتەردەن اسىپ ءتۇستى. سيبۋر جانە Sinopec «پوليەتيلەن ءوندىرىسى» كومپانيالارىمەن بىرلەسكەن جوبانى جۇزەگە اسىرۋ شەڭبەرىندە ينجەنەرلىك دايىندىق جۇرگىزىلىپ جاتىر.

پرەزيدەنتتىڭ بىرلەسكەن ينۆەستيتسيالاۋ قۇرالدارىن كەڭىنەن قولدانۋ جونىندەگى تاپسىرماسىن ورىنداۋدا الەۋمەتتىك ماڭىزى بار جوبالاردى ىسكە اسىرۋ ءۇشىن جەكەمەنشىك كومپانيالار قاراجاتىن تارتۋ جۇمىستارى جالعاسۋدا. وسىلايشا, قىزىلوردا وبلىسىندا ەلەكتر ستانساسىن سالۋ شەڭبەرىندە 2024 جىلى «سامۇرىق-ەنەرگو» اق مەن قاتارلىق ينۆەستور PIH اراسىندا قۋاتى 1 گۆت جەل ەلەكتر ستانسالارىن ىسكە قوسۋ جوباسىن بىرلەسىپ جۇزەگە اسىرۋ تۋرالى – Masdar ء(باا) كومپانياسىمەن بىرلەسكەن جوبا بويىنشا ينۆەستيتسيالىق كەلىسىمگە قول قويىلدى.

سونداي-اق شىمكەنت پەن باتىس قازاقستان وبلىسىندا الەۋمەتتىك جاعىنان از قورعالعان وتباسىلارعا گازبەن جابدىقتاۋ ءتاريفىن تۇزەتۋ ماسەلەلەرىندە قولداۋ كورسەتۋ ءۇشىن «الەۋمەتتىك ءاميان» پيلوتتىق جوباسىنىڭ ىسكە قوسىلۋىنا نازار اۋدارىلدى. بۇل باستاما اتاۋلى الەۋمەتتىك جانە تۇرعىن ءۇي كومەگىن الاتىن ازاماتتاردى قامتيدى. ولار ءۇشىن تاۋارلىق گازعا جەڭىلدىك مولشەرى ەسەپتەلگەن سومانىڭ 24%-نا جەتۋى مۇمكىن.

قوردىڭ باسقارما توراعاسى نۇرلان جاقىپوۆ «سامۇرىق-قازىنا» اق ساتىپ الۋلارىندا وتاندىق تاۋار وندىرۋشىلەردى قولداۋ بويىنشا جۇزەگە اسىرىلىپ جاتقان شارالار تۋرالى ەسەپ بەردى. وسى جىلدىڭ 11 ايىندا وفتەيك-كەلىسىمشارتتار سوماسى 2023 جىلدىڭ سايكەس كەزەڭىمەن سالىستىرعاندا 12 ەسەگە ءوسىپ, 182,3 ملرد تەڭگەگە جەتتى. ءوتو-مەن جالپى 1 ترلن تەڭگەدەن استام سوماعا شارت جاسالدى, وتكەن جىلمەن سالىستىرعاندا ءوسىم 83%-دى قۇرادى. بيىلعى قاراشا ايىندا جوسىقسىز الەۋەتتى ءونىم بەرۋشىلەر تاراپىنان زاڭسىز قۇجاتتاردى تىركەۋ مۇمكىندىگىن جويۋ ماقساتىندا قر قم مكك ەلەكتروندى شوت-فاكتۋرالاردىڭ اقپاراتتىق جۇيەسىمەن ينتەگراتسيالاۋ قامتاماسىز ەتىلدى. پرەمەر-ءمينيستردىڭ ەلىشىلىك قۇندىلىق ۇلەسىن 82%-عا جەتكىزۋ جونىندەگى تاپسىرماسىنا سايكەس, جوسپارلى كورسەتكىشكە 2024 جىلدىڭ سوڭىنا قاراي قول جەتكىزىلەدى دەپ كۇتىلىپ وتىر.

پرەمەر-مينيسترگە مۇناي-گاز-حيمياسى, ەلەكتر ەنەرگەتيكاسى, كولىك-لوگيستيكا, تاۋ-كەن, تەلەكوممۋنيكاتسيا سەكتورلارىنداعى ءىرى ينفراقۇرىلىمدىق جوبالاردى ىسكە اسىرۋ ءۇشىن 2025-2029 جىلدارى قوردىڭ مەنشىكتى قاراجاتىنىڭ 3,6 ترلن تەڭگەسىن قوسقاندا, شامامەن 9,6 ترلن تەڭگە ينۆەستيتسيالاۋ جوسپارلانعانى باياندالدى.

وتىرىس قورىتىندىسى بويىنشا بىرقاتار قۇجات قابىلداندى, ونىڭ ىشىندە الداعى كەزەڭگە ارنالعان جۇمىس جوسپارى بەكىتىلدى. قور باسشىلىعى مەن قىزمەتكەرلەرىنىڭ پايدالى اسەر كوەفيتسەنتى تاۋارلار مەن قىزمەتتەردى ساتىپ الۋداعى قازاقستاندىق قامتۋ ۇلەسىن ارتتىرۋ بويىنشا جۇمىس تيىمدىلىگىنىڭ كورسەتكىشىن قامتيدى.