Oljas Bektenov shahterlermen birge 520 metr tereńdikte jer astyna tústi

Premer-mınıstr Oljas Bektenov Qaraǵandy oblysyndaǵy jumys sapary kezinde «Saran» shahtasyndaǵy eńbek qaýipsizdiginiń qamtamasyz etilýin tekserdi. Bul týraly premer-mınıstrdiń baspasóz qyzmeti málimdedi.

Osy maqsatta premer-mınıstr shahterlermen birge 520 metr tereńdikke túsip, ken qazý ýchaskelerin aralady.

Aıta ketý kerek, Oljas Bektenov shahterlerge arnalǵan arnaıy kıim kıip, jaryq shamy bar kaska taǵyp, jer astynda jumys isteý úshin qoıylatyn barlyq talaptardy saqtady.

«Qarmet» AQ Kómir departamentiniń dırektory Jaqan Muhamedjanov qyzmetkerlerdi oryny boıynsha baqylaý júıesiniń halyqaralyq standarttar boıynsha engizilip jatqanyn baıandady. Bul tehnologııalar shahterlerdiń naqty ornalasqan jerin naqty ýaqyt rejıminde baqylaýǵa jáne tótenshe jaǵdaı kezinde jedel sheshim qabyldaýǵa múmkindik beredi.

Sonymen qatar, premer-mınıstrge jumys ornyndaǵy shahterlermen tikeleı beınebaılanys arnasy da kórsetildi. Shahtany jańǵyrtý baǵdarlamasy jer qazý jabdyqtaryn jańartý, jeldetý júıelerin jaqsartý jáne jer astyndaǵy jumystar kezinde órt qaýipsizdigin arttyrýdy qarastyrady.

Shahta ýchaskesinde Oljas Bektenov kenshilermen tildesip, jer asty ıfrlandyrýyna kóshý máselesin talqylady.

Premer-mınıstr mundaı jer asty tehnologııalary ózge de kómir shahtalarynda engiziletinin jáne bul eńbek qaýipsizdigin arttyrýǵa baǵyttalatynyn atap ótti. Qarmet-tiń kómir kásiporyndaryn jańǵyrtýǵa salatyn jalpy ınvestıııa kólemi – shamamen 500 mıllıon AQSh dollary