جاڭالىقتار
ولجاس بەكتەنوۆ تەمىرجول ۆوكزالدارىن رەكونسترۋكتسيالاۋ جۇمىستارىن تەزدەتۋدى تاپسىردى
فوتو: اشىق دەرەككوز
ولجاس بەكتەنوۆ تەمىرجول ۆوكزالدارىن رەكونسترۋكتسيالاۋ جۇمىستارىن تەزدەتۋدى تاپسىردى, دەپ جازدى qandastar.kz
قر پرەمەر-ءمينيسترى ولجاس بەكتەنوۆ ۇكىمەت وتىرىسىندا تەمىرجول ۆوكزالدارىن رەكونسترۋكتسيالاۋ جانە جاڭعىرتۋ ماسەلەسىن كوتەردى. ولجاس بەكتەنوۆ كولىك ءمينيسترى نۇرلان ساۋرانباەۆتان 125 تەمىرجول ۆوكزالىن رەكونسترۋكتسيالاۋ مەن جاڭعىرتۋ جۇمىستارى قالاي ءجۇرىپ جاتقانىن جانە بارلىق جوبالار مەرزىمىندە اياقتالا ما ەكەنىن سۇرادى.
«ءسىزدىڭ تاپسىرماڭىز بويىنشا جۇمىستار باستالدى. بيىل 100 ۆوكزال بويىنشا جۇمىستار اياقتالادى. قالعاندارى 2026 جىلى بىتەدى»,— دەپ باياندادى نۇرلان ساۋرانباەۆ.
مينيسترلىك مالىمەتىنشە, مەردىگەرلەر تەمىرجول ۆوكزالدارىن رەكونسترۋكتسيالاۋ جانە جاڭعىرتۋ جۇمىستارىنا كىرىسكەن, جوبالاردى جۇزەگە اسىرۋ بەكىتىلگەن نورماتيۆتىك-تەحنيكالىق مەرزىمدەرگە سايكەس كەزەڭ-كەزەڭمەن جۇرگىزىلىپ جاتىر. جاڭعىرتۋ ۆوكزال كەشەندەرىنىڭ نەگىزگى ەلەمەنتتەرىن, سونىڭ ىشىندە قاسبەتتەردى, شاتىردى, ءۇي-جايلاردى, ينجەنەرلىك جەلىلەردى, جولاۋشىلار زالدارى مەن پلاتفورمالاردى قامتيدى. قازىرگى زامانعى قاۋىپسىزدىك, ناۆيگاتسيا جانە جارىقتاندىرۋ جۇيەلەرىن ورناتۋ, سونداي-اق موبيلدىلىگى تومەن جولاۋشىلار ءۇشىن جاعداي جاساۋ كوزدەلگەن. ولجاس بەكتەنوۆ بۇل باعىتتاعى جۇمىستاردى جەدەلدەتۋدى تاپسىردى.
