Jańalyqtar
Oljas Bektenov temirjol vokzaldaryn rekonstrýkııalaý jumystaryn tezdetýdi tapsyrdy
Foto: ashyq derekkóz
Oljas Bektenov temirjol vokzaldaryn rekonstrýkııalaý jumystaryn tezdetýdi tapsyrdy, dep jazdy qandastar.kz
QR Premer-mınıstri Oljas Bektenov Úkimet otyrysynda temirjol vokzaldaryn rekonstrýkııalaý jáne jańǵyrtý máselesin kóterdi. Oljas Bektenov kólik mınıstri Nurlan Saýranbaevtan 125 temirjol vokzalyn rekonstrýkııalaý men jańǵyrtý jumystary qalaı júrip jatqanyn jáne barlyq jobalar merziminde aıaqtala ma ekenin surady.
«Sizdiń tapsyrmańyz boıynsha jumystar bastaldy. Bıyl 100 vokzal boıynsha jumystar aıaqtalady. Qalǵandary 2026 jyly bitedi»,— dep baıandady Nurlan Saýranbaev.
Mınıstrlik málimetinshe, merdigerler temirjol vokzaldaryn rekonstrýkııalaý jáne jańǵyrtý jumystaryna kirisken, jobalardy júzege asyrý bekitilgen normatıvtik-tehnıkalyq merzimderge sáıkes kezeń-kezeńmen júrgizilip jatyr. Jańǵyrtý vokzal keshenderiniń negizgi elementterin, sonyń ishinde qasbetterdi, shatyrdy, úı-jaılardy, ınjenerlik jelilerdi, jolaýshylar zaldary men platformalardy qamtıdy. Qazirgi zamanǵy qaýipsizdik, navıgaııa jáne jaryqtandyrý júıelerin ornatý, sondaı-aq mobıldiligi tómen jolaýshylar úshin jaǵdaı jasaý kózdelgen. Oljas Bektenov bul baǵyttaǵy jumystardy jedeldetýdi tapsyrdy.
