Ombýdsman qazaqstandyqtarǵa problemalyq shaǵyn nesıelermen kómektesetin bolady

Mıkroqarjy ombýdsman ınstıtýty 2024 jyldyń 21 jeltoqsanynan bastap jumysyn bastaıdy.

«Onyń negizgi maqsaty – azamattardyń quqyqtaryn qorǵaýdy qamtamasyz etý jáne daýlardy sotqa deıin retteýge kómektesý. Mıkroqarjy ombýdsmany Qazaqstandyqtardyń mıkrokredıtterge baılanysty daýlaryn, onyń ishinde merzimi ótken bereshekti retteý máselelerin jáne kollektorlyq agenttiktermen daýlardy qaraıtyn bolady»,- dep habarlady vedomstvo.

Ombýdsmannyń kómegine mıkroqarjy uıymdarynyń (MQU) klıentteri – jeke tulǵalar ǵana júgine alady. Onyń qyzmetteri tegin. Ol sotqa júginbesten janjaldardy sheshýge yqpal etetin táýelsiz tóreshi retinde áreket etedi.

«Ombýdsmannyń sheshimi qaryz alýshy qabyldaǵan jaǵdaıda mıkroqarjy uıymy úshin mindetti túrde oryndalýy tıis jáne eger Taraptar ózge merzim týraly ýaǵdalaspasa, 30 kún ishinde oryndalýy tıis».Qarjy naryǵyn retteý jáne damytý agenttigi

Sondaı-aq, vedomstvo mıkroqarjy ombýdsmanynyń quzyretine sotqa berilgen nemese zańdy kúshine engen sot aktileri bar ister kirmeıtinin atap ótti. Munymen qosa, dáleldenbegen mán-jaılarmen nemese istiń jańa mán-jaılary bolmaǵan kezde qaıta jiberilgen ótinishterdi qaramaıdy.

2024 jylǵy 1 qazandaǵy jaǵdaı boıynsha Qazaqstanda 220 mıkroqarjy uıymy, 215 kredıttik seriktestik jáne 497 lombard jumys isteıdi.

Buǵan deıin 2025 jylǵa arnalǵan ákimdikterdiń qaryz lımıti bekitilgeni habarlanǵan bolatyn.