جاڭالىقتار
ومىردەن وتكەن قازاقستاندىق ايەل دونور بولىپ, بەس ادامدى امان الىپ قالدى
فوتو: depositphotos.com
ومىردەن وتكەن قازاقستاندىق ايەل دونور بولىپ, بەس ادامعا كومەكتەستى, – دەپ حابارلايدى Massaget.kz تىلشىسى.
اعزا اۋىستىرۋعا كەزەكتە تۇرعان ءۇش پاتسيەنتكە وپەراتسيانى 17 شىلدە كۇنى University Medical Center قورىنىڭ ماماندارى جاساعان.
«دونور – 44 جاستاعى ايەل, ول گەمورراگيالىق ينسۋلتپەن اۋىرعان. دارىگەرلەر كەڭەسى مي ءولىمىن تىركەگەن. الايدا ونىڭ تۋىستارى دونور بولۋعا رۇقسات بەرىپ, بەس ادامنىڭ ءومىرىن امان الىپ قالدى», دەيدى قور وكىلدەرى.
دونور بولعان ايەل ادامنىڭ اعزالارى 43 جاستاعى ايەلگە (جۇرەك ترانپلانتاتسياسى), 15 جاستاعى قىزعا (بۇيرەك ترانسپلانتاتسياسى) بەرىلگەن. ناۋقاستاردىڭ جاعدايى جاقسى, ولار مامانداردىڭ باقىلاۋىندا, وڭالتۋدان ءوتىپ جاتىر. ەكىنشى دونورلىق بۇيرەك پەن باۋىر استانانىڭ ۇلتتىق عىلىمي ونكولوگيالىق ورتالىعىندا پاتسيەنتتەرگە ترانسپلانتاتسيالاندى.
