«О́mirimdi túbegeıli ózgertti»: Gúlnaz Jolanova ana atanǵanyn rastady

Foto: https://www.instagram.com/zholanova_gulnaz/

Otandyq kınojuldyz, aktrısa Gúlnaz Jolanova sábıli bolǵanyn rastap, oqyrmandaryna aıtyp berdi. Bul týraly Stan.kz aqparat agenttigi habarlaıdy.

Aıta keteıik, kınoprodıýser Gúlnur Mamasarıpova aktrısanyń balaly bolǵanyn aıtyp qoıǵan edi.

«Gúlnaz ylǵı «Nege meni shaqyrmaısyz?», «Nege meni túsirmeısiz?» dep suraıtyn. Saǵan bir ról buıyrmaı jatyr deýshi edim. Osy joly birneshe aktrısany qaradym. Gúlnazǵa habarlassam, «Túskim kelgen kezde shaqyrmaı, dekrette otyrǵanda shaqyrǵanyńyz qalaı?» deıdi. «Balańa qaraımyz. Búkil túsirilim toby bala kútýshi bolamyz, tússhi» dedim. Tipti balańdy ózim baǵamyn dedim. Sonymen fılmge Gúlnaz túsetin boldy», – degen edi prodıýser.

Kóp ýaqyt ótpeı, aktrısa da ana bolǵanyn rastap, qýanyshyn bólisti.

«Meniń súıikti tamyz aıym da kelip qaldy. Bul aı meniń ómirimdi túbegeıli ózgertti. Bul aıdy ómir boıy asyǵa kútemin. Sebebi bul aıda men ana atandym», – dep jazdy óner ıesi jeke paraqshasyna.