ون گولمەن ويسىراي جەڭىلگەن “بارىستىڭ“ باس باپكەرى سۇحبات بەردى

فوتو: shaiba.kz

استانادا وتكەن كەزدەسۋدە «تورپەدودان» 10:1 ەسەبىمەن جەڭىلگەن «بارىس» حوككەي كلۋبىنىڭ باس باپكەرى ۆياچەسلاۆ بۋتساەۆ سۇحبات بەردى, – دەپ حابارلايدى qandastar.kz Massaget.kz تىلشىسىنە سىلتەمە جاساپ.

باپكەرمەن سۇحباتتاسقان bestnews.kz سايتىنىڭ ءجۋرناليسى باپكەردەن ويىن بارىسىندا قانداي قاتەلىك كەتكەنىن سۇرادى.

«تورپەدوشىلار سوققان ءبىرىنشى گولعا دەيىن «بارىس» تاماشا ويىن كورسەتتى. سودان كەيىن ويىن بۇزىلدى. العاشقى كەزەڭنەن كەيىنگى 1:2 ەسەبى ءالى دە بولسا ءۇمىت بارىن كورسەتتى. ءۇشىنشى جىبەرىپ العان گولدان كەيىن ءبىز جەڭىلىسكە ۇشىرادىق. ءبىز جاي عانا بەرىلدىك, مۇلدەم قاتە ارەكەتتەر ىستەدىك, ءبارىن كەرىسىنشە جاسادىق. بىراق ەڭ جامانى نە ەكەنىن بىلەسىز بە? كيىنەتىن بولمەدە كوشباسشى بولمادى. مەن جاتتىقتىرۋشى, باپكەر تۋرالى ەمەس, ويىنشىلار تۋرالى ايتىپ تۇرمىن. ادەتتە توپتىڭ ىدىراپ كەتپەۋى ءۇشىن ونى بىرىكتىرەتىن كوشباسشى بولادى. وكىنىشكە قاراي, بىزدە كوشباسشى بولمادى», – دەدى باس باپكەر.

جۋرناليست باپكەردەن ءارى قاراي قانداي وزگەرىس بولاتىنىن سۇرادى. باپكەر ءوز كەزەگىندە ويىنشىلار اۋىسۋى مۇمكىن ەكەنىن ايتتى. الايدا ناقتى قاي سپورتشى حوككەي كلۋبىمەن قوشتاساتىنىن اشىپ ايتپادى.

«باپكەرلىك مانسابىمدا مۇنداي ەسەپپەن ءبىرىنشى رەت جەڭىلىپ تۇرمىز. جانىم اۋىردى دەسەم, جۇمساق ايتقانىم بولار. كوماندادا وزگەرىس بولادى, بىراق ەسىمدەرىن اتامايمىن. بىراق مىندەتتى تۇردە وزگەرىس بولادى. بۇل كومانداعا كىرەر الدىندا ءبىز بۇل كومانداعا نە كەرەك ەكەنىن ايتىپ, تالقىلادىق. مەن «بارىستا» باپكەر بولعانىما وكىنبەيمىن», – دەدى ۆياچەسلاۆ بۋتساەۆ سۇحبات سوڭىندا.

ەسكە سالايىق, «بارىس» حوككەي كلۋبى استانادا وتكەن كەزدەسۋدە ءوز ايدىنىندا ون گول وتكىزىپ الىپ, ويسىراي جەڭىلگەن بولاتىن.