On golmen oısyraı jeńilgen “Barystyń“ bas bapkeri suhbat berdi

Foto: shaiba.kz

Astanada ótken kezdesýde «Torpedodan» 10:1 esebimen jeńilgen «Barys» hokkeı klýbynyń bas bapkeri Vıacheslav Býaev suhbat berdi, – dep habarlaıdy qandastar.kz Massaget.kz tilshisine silteme jasap.

Bapkermen suhbattasqan bestnews.kz saıtynyń jýrnalısi bapkerden oıyn barysynda qandaı qatelik ketkenin surady.

«Torpedoshylar soqqan birinshi golǵa deıin «Barys» tamasha oıyn kórsetti. Sodan keıin oıyn buzyldy. Alǵashqy kezeńnen keıingi 1:2 esebi áli de bolsa úmit baryn kórsetti. Úshinshi jiberip alǵan goldan keıin biz jeńiliske ushyradyq. Biz jaı ǵana berildik, múldem qate áreketter istedik, bárin kerisinshe jasadyq. Biraq eń jamany ne ekenin bilesiz be? Kıinetin bólmede kóshbasshy bolmady. Men jattyqtyrýshy, bapker týraly emes, oıynshylar týraly aıtyp turmyn. Ádette toptyń ydyrap ketpeýi úshin ony biriktiretin kóshbasshy bolady. О́kinishke qaraı, bizde kóshbasshy bolmady», – dedi bas bapker.

Jýrnalıst bapkerden ári qaraı qandaı ózgeris bolatynyn surady. Bapker óz kezeginde oıynshylar aýysýy múmkin ekenin aıtty. Alaıda naqty qaı sportshy hokkeı klýbymen qoshtasatynyn ashyp aıtpady.

«Bapkerlik mansabymda mundaı eseppen birinshi ret jeńilip turmyz. Janym aýyrdy desem, jumsaq aıtqanym bolar. Komandada ózgeris bolady, biraq esimderin atamaımyn. Biraq mindetti túrde ózgeris bolady. Bul komandaǵa kirer aldynda biz bul komandaǵa ne kerek ekenin aıtyp, talqyladyq. Men «Barysta» bapker bolǵanyma ókinbeımin», – dedi Vıacheslav Býaev suhbat sońynda.

Eske salaıyq, «Barys» hokkeı klýby Astanada ótken kezdesýde óz aıdynynda on gol ótkizip alyp, oısyraı jeńilgen bolatyn.