«وڭاي ەمەس ەكەن»: قايرات نۇرتاستىڭ ايەلى العاش رەت دەكرەتكە شىقتى

تانىمال اكتريسا جۇلدىز ابدىكارىموۆا العاش رەت دەكرەتكە شىققانىن ايتتى, دەپ جازدى Qandastar.kz.

ول دەكرەتكە شىعۋ ءۇشىن ءتيىستى قۇجات جيناۋ وڭاي شارۋا ەمەس ەكەنىن جاسىرمادى.

«الدىمەن ءوزىڭدى جۇمىسقا تىركەيسىڭ, سودان كەيىن وزىڭە اي سايىنعى جالاقىنى وتەيسىڭ, وعان قوسا الەۋمەتتىك پاكەت پەن سالىق تاعى بار – بۇل ەندى ۇيرەنشىكتى جايت. ال جۇكتىلىك كەزىندە «ۋاقىتشا جۇمىسقا جارامسىز» دەگەن ءبىر جاپىراق قاعازدى العاشقى رەت قولىما الىپ تۇرمىن», – دەپ جازدى ول.

اكتريسانىڭ سوزىنشە, دەكرەتتىك دەمالىستى راسىمدەۋ كەزىندە ءتۇرلى قۇجاتتار تالاپ ەتىلىپ, ونى الۋ ءۇشىن بىرنەشە مەكەمەگە جۇگىنۋگە تۋرا كەلگەن.

«سان ءتۇرلى قۇجاتتار تالاپ ەتىلەدى جانە ولاردى «لۋپامەن» قاراپ شىعادى. سوسىن سۇراقتىڭ استىنا الادى, بىرنەشە مەكەمەگە جۇگىرتەدى. قىسقاسى, سول دەكرەتتى الۋ ءۇشىن دە دالەلدەپ جۇرەسىڭ. ايتەۋىر ءبارىن تاپسىرىپ, جەر قوپارىپ تاستاعانداي وتىرعان جايىم بار ەندى», – دەپ ازىلدەدى اكتريسا.