«Ońaı emes eken»: Qaırat Nurtastyń áıeli alǵash ret dekretke shyqty

Tanymal aktrısa Juldyz Ábdikárimova alǵash ret dekretke shyqqanyn aıtty, dep jazdy Qandastar.kz.

Ol dekretke shyǵý úshin tıisti qujat jınaý ońaı sharýa emes ekenin jasyrmady.

«Aldymen ózińdi jumysqa tirkeısiń, sodan keıin ózińe aı saıynǵy jalaqyny óteısiń, oǵan qosa áleýmettik paket pen salyq taǵy bar – bul endi úırenshikti jaıt. Al júktilik kezinde «ýaqytsha jumysqa jaramsyz» degen bir japyraq qaǵazdy alǵashqy ret qolyma alyp turmyn», – dep jazdy ol.

Aktrısanyń sózinshe, dekrettik demalysty rásimdeý kezinde túrli qujattar talap etilip, ony alý úshin birneshe mekemege júginýge týra kelgen.

«San túrli qujattar talap etiledi jáne olardy «lýpamen» qarap shyǵady. Sosyn suraqtyń astyna alady, birneshe mekemege júgirtedi. Qysqasy, sol dekretti alý úshin de dáleldep júresiń. Áıteýir bárin tapsyryp, jer qoparyp tastaǵandaı otyrǵan jaıym bar endi», – dep ázildedi aktrısa.