«О́negeli urpaq». Qarty bar eldiń – qazynasy bar

Almaty oblysynda «Taza Qazaqstan» respýblıkalyq ekologııalyq akııasy aıasynda «О́negeli urpaq» aptalyǵy ótip jatyr.

Ekologııalyq jaǵdaıdy jaqsartýǵa, sonymen qatar ardagerlerdi qoldaýǵa arnalǵan sharaǵa 5 myńǵa jýyq volonter tartyldy. Olar ózderi turatyn aýyl ardagerleriniń úı aýlasyn abattandyrýǵa atsalysty. Jastar Ile aýdanyndaǵy eńbek ardagerleri Súleımen Jumabekov pen Vladımır Ýdovıktiń baqshasyna alma aǵashtarynyń kóshetterin ekti.

Jalpy Almaty oblysynda myńǵa jýyq jalǵyzbasty qarııa bar. «О́negeli urpaq» jobasy sol qazyna keýde qarttarǵa qolǵabys etýge baǵyttalǵan. Súleımen Jumabekov, eńbek ardageri: — Kóp raqmet, óstip syılap kelip, «ardagerler eńbegi sińgen ertede», – dep, quttyqtap kelgenderińizge. Baqytty bolyńdar, aınalaıyn, jastarym! Aman bolyńdar! Osy Jańa Qazaqstanymyz órkendep, baqytty ómir súrýdi senderge Alla násip etsin! Bilim alyńdar, oqyńdar!