ونەر ادامدارى تويدان تاپقان تابىسقا سالىق تولەۋى ءتيىس — قارجى ءمينيسترى

فوتو:istockphoto.com

قازاقستاندا ونەر ادامدارى, سونىڭ ىشىندە انشىلەر مەن ارتىستەر تويدان تۇسكەن تابىسىن مىندەتتى تۇردە سالىق دەكلاراتسياسىنا ەنگىزۋى كەرەك. بۇل تۋرالى قارجى ءمينيسترى ءمادي تاكيەۆ مالىمدەدى, دەپ حابارلايدى  qandastar.kz

ءمينيستردىڭ ايتۋىنشا, كونستيتۋتسيانىڭ 35-بابىندا ءار ازاماتتىڭ سالىق تولەۋ مىندەتى بەكىتىلگەن.

“قوسىمشا تابىس بولسا, سالىق تولەۋ قاجەت. مىسالى, ارتىستەر تويلاردا ونەر كورسەتەدى, ءتۇرلى ءىس-شارالارعا قاتىسادى. سول تابىستى جىل سوڭىنا دەيىن دەكلاراتسيادا كورسەتۋى ءتيىس. جىلدىق تابىس 31 ناۋرىزعا دەيىن تاپسىرىلادى, ال سالىق ءساۋىردىڭ 10-نا دەيىن تولەنۋى كەرەك. مولشەرى – 10 پايىز”, – دەدى تاكيەۆ.

Dalanews.kz جازعانداي,  بۇل تالاپ بارلىق قوسىمشا تابىس كوزدەرىنە, سونىڭ ىشىندە الەۋمەتتىك جەلىلەردەن نەمەسە جارنامادان تۇسكەن كىرىستەرگە دە قاتىستى بولماق.