ونەردەگى اعالارىنىڭ جولىمەن: ءابدىجاپپار القوجا دا قاماۋعا الىندى

قازاقستاندىق بەلگىلى ەسترادا ءانشىسى ءابدىجاپپار القوجا 10 تاۋلىككە قاماۋعا الىندى, دەپ حابارلايدى Skifnews.kz اقپارات پورتالى.

بۇل تۋرالى الماتى وبلىستىق سوتىنىڭ تەلەگرام-ارناسىندا اقپارات جاريا بولدى.

6 شىلدە كۇنى قوناەۆ قالاسىنىڭ مامانداندىرىلعان اۋدانارالىق اكىمشىلىك قۇقىق بۇزۋشىلىقتار جونىندەگى سوتىندا ا.ب.-عا قاتىستى كولىك قۇرالىن باسقارۋ قۇقىعىنان ايىرىلعان جۇرگىزۋشىنىڭ كولىك قۇرالىن باسقارۋى دەرەگى بويىنشا اكىمشىلىك ءىس قارالدى. ءىس جاعدايلارىنان بەلگىلى بولعانداي, 2024 جىلعى 5 شىلدەدە ساعات 23:50 شاماسىندا ا.ب., كولىك قۇرالىن باسقارۋ قۇقىعىنان ايىرىلعان بولا تۇرا, قوناەۆ قالاسى, راۋان ىقشام اۋدانى, رەچنيكوۆايا كوشەسىندە ورنالاسقان دەمالىس ايماعىنىڭ جانىندا «Toyota Camry» ماركالى اۆتوكولىگىن باسقارعان, – دەپ جازىلعان سوت تاراتقان مالىمەتە.

اتالعان اقبتك-ءنىڭ 612-بابى 3-بولىگىنە سايكەس, بۇل قۇقىق بۇزۋشىلىق ءۇشىن جازا رەتىندە 50 اەك مولشەرىندە ايىپپۇل سالۋ نەمەسە ون تاۋلىككە اكىمشىلىك قاماۋعا الۋ قاراستىرىلعان.

سوت قاۋلىسىمەن ءانشى اقبتك-ءنىڭ 612-بابى 3-بولىگى بويىنشا اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ, 10 تاۋلىككە اكىمشىلىك قاماۋعا الىندى», – دەپ جازىلعان الماتى وبلىستىق سوتىنىڭ ءباسپاسوز قىزمەتى تاراتقان اقپاراتتا.

ايتا كەتۋ كەرەك, 2022 جىلعى 20 جەلتوقساندا الماتى قالاسىنىڭ مامانداندىرىلعان اۋدانارالىق اكىمشىلىك قۇقىق بۇزۋشىلىقتار جونىندەگى سوتىنىڭ قاۋلىسىمەن ا.ب. اقبتك-ءنىڭ 608-بابى 1-بولىگى بويىنشا اكىمشىلىك جاۋاپكەرشىلىككە تارتىلىپ, 7 جىل مەرزىمگە كولىك قۇرالىن باسقارۋ قۇقىعىنان ايىرىلعان. ازىرگە سوت قاۋلىسى زاڭدى كۇشىنە ەنگەن جوق.