О́nerdegi aǵalarynyń jolymen: Ábdijappar Álqoja da qamaýǵa alyndy

Qazaqstandyq belgili estrada ánshisi Ábdijappar Álqoja 10 táýlikke qamaýǵa alyndy, dep habarlaıdy Skifnews.kz aqparat portaly.

Bul týraly Almaty oblystyq sotynyń telegram-arnasynda aqparat jarııa boldy.

6 shilde kúni Qonaev qalasynyń mamandandyrylǵan aýdanaralyq ákimshilik quqyq buzýshylyqtar jónindegi sotynda A.B.-ǵa qatysty kólik quralyn basqarý quqyǵynan aıyrylǵan júrgizýshiniń kólik quralyn basqarýy deregi boıynsha ákimshilik is qaraldy. Is jaǵdaılarynan belgili bolǵandaı, 2024 jylǵy 5 shildede saǵat 23:50 shamasynda A.B., kólik quralyn basqarý quqyǵynan aıyrylǵan bola tura, Qonaev qalasy, Raýan yqsham aýdany, Rechnıkovaıa kóshesinde ornalasqan demalys aımaǵynyń janynda «Toyota Camry» markaly avtokóligin basqarǵan, – dep jazylǵan sot taratqan málimete.

Atalǵan ÁQBtK-niń 612-baby 3-bóligine sáıkes, bul quqyq buzýshylyq úshin jaza retinde 50 AEK mólsherinde aıyppul salý nemese on táýlikke ákimshilik qamaýǵa alý qarastyrylǵan.

Sot qaýlysymen ánshi ÁQBtK-niń 612-baby 3-bóligi boıynsha ákimshilik quqyq buzýshylyq jasaǵany úshin kináli dep tanylyp, 10 táýlikke ákimshilik qamaýǵa alyndy», – dep jazylǵan Almaty oblystyq sotynyń baspasóz qyzmeti taratqan aqparatta.

Aıta ketý kerek, 2022 jylǵy 20 jeltoqsanda Almaty qalasynyń mamandandyrylǵan aýdanaralyq ákimshilik quqyq buzýshylyqtar jónindegi sotynyń qaýlysymen A.B. ÁQBtK-niń 608-baby 1-bóligi boıynsha ákimshilik jaýapkershilikke tartylyp, 7 jyl merzimge kólik quralyn basqarý quqyǵynan aıyrylǵan. Ázirge sot qaýlysy zańdy kúshine engen joq.