О́nerdegi qyz-kelinshekter hıdjabpen qandaı qıyndyq kórip júrgenin aıtty

Otandyq shoý-bıznestegi eń kóp talqylanatyn taqyryptardyń biri – hıdjab máselesi. Sońǵy jyldary birqatar tanymal ánshi oramal taǵyp sahnaǵa shyqsa, endi biri qysymǵa shydamaı qaıta sheship tastaǵanyn moıyndady, dep habarlaıdy Qandastar.kz Stan.kz-ke silteme jasap.

«Qurmet» ordeniniń ıegeri, ánshi Móldir Áýelbekova Threads paraqshasynda hıdjabpen júrip kedergilerge jıi tap bolatynyn aıtty. Onyń sózinshe, keıde konertke qatysqanymen, efırden qıylyp qalady. «Meni oramalym úshin jobalarǵa qatystyrmaıdy. Keıde sahnany ózim-aq bosatyp bereıin be dep oılaımyn. Uıymdastyrýshylar meni shettetse de, halyqtyń mahabbatyn tartyp ala almaıdy», – deıdi ol.

Jastar arasynda Dequine atymen tanymal Danelıa Sadyqova da oramal taǵyp kórdi. Bir jarym jyldaı hıdjabpen júrgen ol qajylyqqa baryp kelse de, keıin sheship tastady. «О́zimdi ıslamnyń community-ne kiriktire almadym, ıslamdaǵy adamnyń obrazyna kelińkiremedim. Hıdjab kııýime de, sheshýime de ókinbeımin», – dep túsindirdi ánshi.

Jeke ómiri jıi talqylanatyn Aqbota-Nur Seıtmaǵambetova da qysqa ýaqyt ishinde oramal taǵyp kórgenin, biraq asyǵys sheshim bolǵanyn jasyrmady. «Hıdjabqa daıyn bolmaı keldim. Uzyn kıimmen ónerden nan tabý qıyn boldy. Keıin sheship tastadym. Biraq bul – kúızelisten emes», – dedi ol.

Tanymal hıt ánderdiń oryndaýshysy Indıra Rasylhan bolsa, oramal taǵýdy jas kezinen armandaǵanyn aıtady. Degenmen, oramal kıgennen keıin konertterden shettetilgenin de moıyndaıdy. «Efırden qysqartylǵanymdy túsindim. Biraq oramalǵa kelý – men úshin úlken arman edi. Endi ony sońǵy demime deıin sheshpeýdi tileımin», – dedi ol.

Qazaq estradasynda ózindik qoltańbasy bar Roza Álqoja da belgili bir kezeńde hıdjab taǵyp kórgenimen, keıin odan bas tartqan. «Tolyq hıdjabta júrý úshin kóp nárseden bas tartý kerek. Men emoııanyń adamymyn. Mekkeden kelgen soń bári jalańash sııaqty kórindi. Biraq keıin óz qalpyma oraldym», – dep túsindirdi ol.

Ánshilerdiń bul tańdaýy áleýmettik jelide qyzý talqyǵa tústi. Biri olardyń ónerden ketpeýin qoldasa, endi biri dinge bet burǵanyna qýanady. «Ánshiler dinge ketse, sahnadan shettetiledi», «Hıdjabtyń syrtynan sáýkele kııý durys emes», «Án aıtý men namaz oqýdy qatar alyp júrý múmkin emes» degen pikirler de aıtyldy. Keıbiri «aq jaýlyqty ananyń obrazy bar, nege qara oramal taǵylady?» dep syn aıtty.

Qorytyndysynda, hıdjab – sán úshin kıiletin buıym emes, árkimniń ishki senimi men jeke sheshimine baılanysty kúrdeli tańdaý. О́ner adamdarynyń osy joldaǵy tájirıbesi qoǵamdaǵy pikirtalasty áli de jalǵastyryp otyr.