Onlaın rejımdegi kassa aparatyn ornatqan kásipkerlerge salyqtan jeńildik jasalady

Prezıdent tapsyrmasyna sáıkes elimizde mıkro jáne shaǵyn bıznes salasyndaǵy kompanııalar tabysqa salynatyn salyqtan úsh jylǵa deıingi merzimge bosatylmaq.

О́tken jyly shaǵyn jáne orta bıznes salasy esebinen el bıýdjetine túsken tabys salyǵynyń kólemi 190 mıllıard teńgege jetken. Sonyń ishinde 1,7 mıllıard teńge Batys Qazaqstan oblysynyń enshisinde. Mamandardyń boljamy boıynsha keler jyly aımaqta bul kórsetkishtiń kólemi 1,9 mıllıard teńgege ulǵaıýy tıis bolatyn.

Mıkro jáne shaǵyn bıznes nysandaryn tabys salyǵynan bosatý kimge tıimdi? Budan bıýdjettiń búıiri ortaıatyny óz aldyna, 3 jylǵa deıingi merzimge tekseristerdiń toqtaıtyny da biraz suraqtyń týyndaýyna túrtki deıdi sarapshylar. Bul rette bıznestiń adal ári zańǵa sáıkes júrgizilýinen bólek tutynýshylar aldyndaǵy jaýapkershiligi de joǵarylaı túsýi qajet. Iaǵnı prezıdent atap ótkendeı, moratorıı kezeńinde tekserýshi organdardyń ornyn qoǵamdyq baqylaý tetikterin jandandyrý arqyly toltyrýǵa negiz bari.
Aıgúl Túrkına, qoǵam qaıratkeri:
– Qazirgi tańda shaǵyn bıznestiń áleýmettik sıpaty basym. Ári memleket belgili bir salyq tólemderine qatysty osyndaı sharalarǵa barýy jergilikti bıýdjet úshin tıimdi emestigin túsinemiz. Al óz isin endi ǵana bastaǵan mıkro jáne shaǵyn bıznes úshin bul óte qolaıly jaǵdaı dep sanaımyn. Prezıdent óz joldaýynda «bıznes ókilderi sanıtarlyq-epıdemıologııalyq saladaǵy normalar men erejelerdi buzatyn bolsa, ondaı kompanııalar jabylyp, ıeleri jaýapkershilikke tartylady» dep atap kórsetti.
Osy arqyly jaýapkershilikti arttyrýmen qatar shaǵyn bızneske túsetin aýyrtpalyq azaıtylmaq. Kásipkerler óz kezeginde salyq júıesinde buǵan deıin qolǵa alynǵan sharalardyń óz jemisin bergenin aıtady.
Nurtas Saldyrov, kásipker:
– Kásipkerlerge aıyppul men ósimpuldy keshirim jasap jatyr, ol úlken kásipkerlerge qoldaý dep oılaımyn. Kóp kedergi kórip jatqan joqpyz, tek qana kásipkelerdiń óz saýattylyǵyn kóterý qajet. Internetpen jumys jasaý, ınternet arqyly tóleý degen sııaqty, sondaı jaǵynan úırense sonda ósim eshteńe bolmas edi. ózderiniń ınternet arqyy salyqtaryn teserip tursa ýaqytynda. Shaǵyn jáne orta bıznes salasy boıynsha óńirde 52 myńdaı salyq tóleýshi tirkelgen. Sonyń ishinde salyqtyq raqymshylyq jasalatyn shaǵyn jáne orta bıznes nysandarynyń sany 2 myńǵa jýyqtaıdy. Olardyń salyq túrindegi berejaǵynyń kólemi 3 mıllıard teńgeden asady. Al keshiriletin ósimpuldardyń jalpy somasy 1,5 mıllıard teńge. Bul kásipkerlerge úlken kómek deıdi mamandar.
Tımýr Tólepov, oblystyq memlekettik kirister departamentiniń basqarma basshysy:
– Iaǵnı negizgi berejaqtaryn tolyqtaı tólegen jaǵdaıda ósimpuldar men aıyppuldary tolyqtaı shegeriledi. Sonymen qatar myna onlaın rejımde baqylaý kassalyq apparattaryn satyp alatyn kásipkerlerimiz ózderiniń jeke tabys salyǵynan 50 paıyzǵa deıin jeńildik alady.
Aıta ketý kerek, mundaı raqymshylyq 700 mıllıon teńge salyqtyq bereshegi bar 70 myńdaı jeke tulǵaǵa da jasalady. Búginde óńirde myń jarymnan asa salyq tóleýshi bıýdjet aldyndaǵy 41 mıllıon teńge qaryzyn ótese, sonyń 17 mıllıony akııa aıasynda keshirilgen.

Avtorlary: Talǵat Serikqalıuly, Bolat Jarylǵasov, Qanat Mahmutov

Derekkóz: https://24.kz/kz/zha-aly-tar/ekonomika/item/341808-onlajn-rezhimdegi-kassa-aparatyn-ornat-an-k-sipkerlerge-saly-tan-zhe-ildik-zhasalady