الەم جاڭالىقتارى
وڭتۇستىك كورەيا پرەزيدەنتى قىزمەتىنەن كەتتى
فوتو: qazaqstantv
وڭتۇستىك كورەيا پرەزيدەنتى يۋن سوك يولگە جاريالانعان يمپيچمەنت ءوز كۇشىندە قالدى, دەپ حابارلايدى qandastar.kz
Yonhap اگەنتتىگى مالىمەتىنشە, بۇل شەشىمدى بارلىق سەگىز سۋديا قولدادى. ولاردىڭ پىكىرىنشە, بۇرىنعى مەملەكەت باسشىسى ەل كونستيتۋتسياسىن قورعاۋ مىندەتىن ورىنداي الماعان. اسىرەسە, اسكەري جاعداي تۋرالى جارلىقتا پارلامەنت قىزمەتىنە تىيىم سالىنۋى ازاماتتاردىڭ نەگىزگى قۇقىقتارىنىڭ بۇزىلۋىنا اكەلگەن.
ەندى 60 كۇن ىشىندە ەلدە كەزەكتەن تىس پرەزيدەنتتىك سايلاۋ وتەدى.
بىلتىر جەلتوقسان ايىندا يۋن سوك يول ەلدە اسكەري جاعداي ەنگىزگەن. وسىدان كەيىن اسكەريلەر پارلامەنتتى قورشاپ, عيماراتقا كىرۋدى شەكتەدى. الايدا بىرنەشە ساعات ىشىندە وڭتۇستىك كورەيا دەپۋتاتتارى پارلامەنتكە كىرىپ, اسكەري جاعدايدى جويدى.
وسى وقيعالاردان سوڭ پرەزيدەنتكە يمپيچمەنت جاريالانىپ, وعان قارسى قىلمىستىق ءىس قوزعالدى.
