جاڭالىقتار
وڭتۇستىك كورەيادا مينيسترلەر قامالىپ, وتستاۆكاعا كەتىپ جاتىر
فوتو: nvdaily.ru
وڭتۇستىك كورەيادا مينيسترلەر قامالاپ, وتستاۆكاعا كەتىپ جاتىر, دەپ جازدى qandastar.kz.
بۇعان دەيىن ەلدەن كەشىرىم سۇراپ, قىزمەتىنەن كەتكەن قورعانىس ءمينيسترى قاماۋعا الىندى. كيم يون حيونگە “مەملەكەتكە وپاسىزدىق” جاسادى دەگەن اۋىر ايىپ تاعىلىپ وتىر. ارنايى تەرگەۋ شتابى كيمدى تۇتقىنداپ, ۇيالى تەلەفونىن تارتىپ العانىن حابارلادى. ول بۇعان دەيىن جۋرناليستەرگە پرەزيدەنتكە اسكەري جاعداي جاريالاۋدى ءوزى ۇسىنعانىن ايتتى.
اسكەري رەجيمدى باسقارعان ىشكى ىستەر ءمينيسترى وتستاۆكاعا بەردى. لي سان مين دە وسى ءىس بويىنشا تەرگەلۋ ۇستىندە. ال پرەزيدەنت يۋن سوك يولگە قاتىستى تەرگەۋ امالدارى وتكەن اپتادا باستالعان. وعان “اسكەري رەجيم ەنگىزىپ, ەلدە ب ۇلىك جاساماق بولدى” دەگەن ايىپ تاعىلىپ وتىر. پرەزيدەنت ەلدەن كەشىرىم سۇراپ, جاۋاپكەرشىلىكتەن قاشپايتىنىن مالىمدەدى.
