جاڭالىقتار
وڭتۇستىك كورەيادا نوسەر جاڭبىردان 14 ادام كوز جۇمدى
وڭتۇستىك كورەيادا بەس كۇن بويى تولاسسىز جاۋعان جاڭبىردان 14 ادام قازا تاۋىپ, 12 ادام ءىز-ءتۇزسىز جوعالىپ كەتتى, دەپ حابارلايدى سينحۋا اگەنتتىگىنە سىلتەمە جاساعان kazinform.kz.
بۇل تۋرالى جەكسەنبى كۇنى ەلدىڭ ىشكى ىستەر جانە قاۋىپسىزدىك مينيسترلىگى حابارلادى. ونداعى مالىمەت بويىنشا, جەرگىلىكتى ۋاقىتپەن ساعات 11:00-دە 14 ادامنىڭ قازا تاپقانى راستالدى. سونداي-اق 12 ادام ءىز-ءتۇزسىز جوعالىپ كەتكەن.
سارسەنبى كۇنى باستالعان جاڭبىر بۇكىل ەل بويىنشا 13 209 ادامدى ۇيلەرىن تاستاپ كەتۋگە ءماجبۇر ەتتى. جەكسەنبى كۇنى تاڭەرتەڭگى جاعداي بويىنشا 3 836 ادام ۋاقىتشا باسپانالاردا قالدى.
سۋعا تولعان جولدار, كوشكىن, وزەن قۇرىلىستارىنىڭ قۇلاۋى, سۋ باسقان قۇرىلىستار مەن اۋىلشارۋاشىلىق جەرلەرىن قوسا العاندا, جالپى 1 920 مەملەكەتتىك م ۇلىككە, 2 234 جەكە مەنشىككە زيان كەلتىرۋ فاكتىسى تىركەلدى.
