Ońtústik Koreıada nóser jańbyrdan 14 adam kóz jumdy

Ońtústik Koreıada bes kún boıy tolassyz jaýǵan jańbyrdan 14 adam qaza taýyp, 12 adam iz-túzsiz joǵalyp ketti, dep habarlaıdy Sınhýa agenttigine silteme jasaǵan kazinform.kz.

Bul týraly jeksenbi kúni eldiń Ishki ister jáne qaýipsizdik mınıstrligi habarlady. Ondaǵy málimet boıynsha, jergilikti ýaqytpen saǵat 11:00-de 14 adamnyń qaza tapqany rastaldy. Sondaı-aq 12 adam iz-túzsiz joǵalyp ketken.

Sársenbi kúni bastalǵan jańbyr búkil el boıynsha 13 209 adamdy úılerin tastap ketýge májbúr etti. Jeksenbi kúni tańerteńgi jaǵdaı boıynsha 3 836 adam ýaqytsha baspanalarda qaldy.

Sýǵa tolǵan joldar, kóshkin, ózen qurylystarynyń qulaýy, sý basqan qurylystar men aýylsharýashylyq jerlerin qosa alǵanda, jalpy 1 920 memlekettik múlikke, 2 234 jeke menshikke zııan keltirý faktisi tirkeldi.