وڭتۇستىك كورەيادا پارلامەنت پرەزيدەنتتىڭ شەشىمىنە قارسى شىعىپ, اسكەري رەجيمدى الىپ تاستادى

فوتو: اشىق دەرەككوز

وڭتۇستىك كورەيا پرەزيدەنتى ەلدە اسكەري رەجيم ەنگىزىلگەنىن مالىمدەگەن ەدى. بىراق پارلامەنت پرەزيدەنتتىڭ شەشىمىنە قارسى شىعىپ, اسكەري رەجيمدى الىپ تاستادى, دەپ جازدى qandastar.kz

وڭتۇستىك كورەيا پارلامەنتى ءبىراۋىزدان داۋىس بەرىپ, پرەزيدەنت شىعارعان شەشىمنىڭ كۇشىن جويدى. وعان تولىق قۇقىعى بار.

بۇعان دەيىن “سولتۇستىك كورەيانى جاقتايتىن كۇشتەردى جويۋ جانە ەركىن كونستيتۋتسيالىق ءتارتىپتى قورعاۋ ءۇشىن اسكەري جاعداي جاريالايمىن», – دەدى يۋن سوك يول.

ەل پرەزيدەنتى بۇل شەشىمدى «ادامداردىڭ ەركىندىگى مەن قاۋىپسىزدىگىن قامتاماسىز ەتۋ, سونداي-اق انتي-مەملەكەتتىك كۇشتەردىڭ ارەكەتتەرىنەن ەل تۇراقتىلىعىن ساقتاۋ ءۇشىن قابىلدانعان شارا» دەپ اتادى.

ءوز سوزىندە پرەزيدەنت اسكەري جاعدايدىڭ ازاماتتارعا بەلگىلى ءبىر قولايسىزدىقتار تۋدىرۋى مۇمكىن ەكەنىن جەتكىزدى. ال سىرتقى ساياساتقا ەش اسەرى تيمەيتىنىنە سەنىم ءبىلدىردى.