جاڭالىقتار
وڭتۇستىك كورەيانىڭ بۇرىنعى ءبىرىنشى حانىمى ەلدەن كەشىرىم سۇرادى
فوتو: بەينەدەن كادر
وڭتۇستىك كورەيادا تاريحتا العاش رەت ەكس-ءبىرىنشى حانىم تەرگەۋگە الىندى. ول سوتتالىپ جاتقان بۇرىنعى پرەزيدەنت يۋن سوك ءيولدىڭ ايەلى, دەپ حابارلايدى qandastar.kz Orda.kz-كە سىلتەمە جاساپ.
بۇگىن, 6 تامىز كۇنى ەكس-پرەزيدەنت يۋن سوك ءيولدىڭ ايەلى كيم گون حي سەۋل ورتالىعىندا پروكۋروردىڭ جاۋاپ الۋىنا كەلدى. ول پروكۋروردىڭ كەڭسەسىنە كىرەر الدىندا جۋرناليستەر قويعان ساۋالدارعا جاۋاپ بەردى. سونىمەن قاتار ەل الدىنا شىعىپ كوپشىلىكتەن كەشىرىم سۇرادى.
«مەن سياقتى ادام بۇكىل ەلدە الاڭداۋشىلىق تۋدىرعانىنا شىن جۇرەكتەن وكىنەمىن», – دەدى ول.
بىراق ەكس-حانىم وزىنە تاعىلعان ايىپتار تۋرالى سۇراقتارعا جاۋاپ بەرۋدەن باس تارتتى. كيم گون حي بىرنەشە قىلمىس بويىنشا كۇدىككە ىلىنگەن. بۇرىنعى مەملەكەت باسشىسىنىڭ ايەلى الاياقتىقتان باستاپ پارا الۋعا دەيىن بارىپ, ءوز قىزمەتىن تەرىس پايدالانعان دەگەن ايىپ تاعىلدى. ال كۇيەۋى يۋن سوك يول بىلتىر ەلدە اسكەري جاعداي ەنگىزگەنى ءۇشىن تۇرمەگە توعىتىلعان.
ايتا كەتەيىك, يۋن سوك ءيولدىڭ سوتى ءالى جالعاسۋدا. بىراق ەكس-پرەزيدەنت جاۋاپ الۋعا كەلمەي, نارازىلىق تانىتىپ وتىر.
