جاڭالىقتار
«ونى كىنالى دەپ ەسەپتەمەيمىن»: پەريزات قايراتتىڭ ادۆوكاتى سوتتىڭ نەلىكتەن جابىق رەجيمدە وتكەنىن ايتتى
فوتو: پەريزات قايراتتىڭ Instagram پاراقشاسىنان الىندى
ەرىكتى پەريزات قايراتتىڭ ادۆوكاتى اسلانبەك داۋلەتياروۆ سوت وتىرىسى تۋرالى پىكىر ءبىلدىردى, دەپ جازادى qandastar.kz
ول قورعاۋىنداعى ادامدى كىنالى دەپ ەسەپتەمەيتىنىن جەتكىزدى. بۇل تۋرالى Stan.kzاقپارات اگەنتتىگى حابارلايدى.
ادۆوكات بەلسەندىنىڭ جابىق وتىرىس كەزىندە جانە سوڭعى مالىمدەمەسىندە ايتقان اقپاراتتارىن ناقتى المايتىنىن جەتكىزدى.
«ايىپتار زاڭسىز جانە نەگىزسىز. جابىق وتىرىستا ءوز ۋاجدەرىمدى ايتتىم. جابىق وتىرىس بولعاندىقتان ەشتەڭە ايتا المايمىن. دالەلدەر ۇسىنىلماعاندىقتان, ونى كىنالى دەپ سانامايمىن. ايتا كەتەتىن جايت, ايىپتاۋ اكتىسىندە كورسەتىلگەن سوما شامامەن 3 ميلليارد تەڭگە. بىراق بۇل ىسكە جابىرلەنۋشى رەتىندە بارلىق قايىرىمدىلىق جاساۋشىلار تارتىلماعان. 51 ادام عانا ارىز جازعان. مىسالى, «اسار ۋمە» قورى 200 ميلليون تەڭگە, Kaspi Bank – 620 ميلليون, Jusan Bank – 300 ميلليون تەڭگە كولەمىندە تالاپ قويدى. ال ايىپتاۋدا كورسەتىلگەن قارجى تالاپ-ارىزدار سوماسىنان دا كوپ. پەريزات تاعىلعان ايىپپەن كەلىسپەيدى», – دەدى ادۆوكات.
ادۆوكات قورعاۋىنداعى ازاماتتاردىڭ ءجارىسسوزى جابىق رەجيمدە وتكەنىن قۇقىقتىڭ بۇزىلۋى دەپ سانامايدى.
«مەنىڭ وعان قانداي قاتىسىم بار? بۇل جەردە قانداي قۇقىق بۇزۋشىلىق بولدى? الدىن الا تىڭدالىمدا بۇل ءىستى جابىق وتكىزۋ تۋرالى ءوتىنىشتى پەريزاتتىڭ بەردى. سوت وتىرىسىن جابىق تۇردە وتكىزۋدى سۇراعان كەزدە ەكى نەگىزدى كورسەتتى. ءبىرىنشىسى, بانك قۇپياسى. ول اۋدارىمدار مەن قارجىلىق وپەراتسيالار تۋرالى مالىمەتتەرگە قاتىستى, ولار بويىنشا سوت سانكتسياسى الىنعان. بۇل اقپاراتتا بىرنەشە مىڭ ادامنىڭ اتى-ءجونى, اۋدارىلعان سوما تۋرالى دەرەكتەر بار. ەكىنشى سەبەپ, جەكە ومىرگە قاتىستى مالىمەتتەر. ونىڭ ىشىندە جەكە فوتوسۋرەتتەر مەن بەينەماتەريالدا بار. ءبىر عانا تەلەفوننىڭ وزىندە 45 مىڭ فوتو مەن ۆيدەو بولعان. پەريزات ولاردىڭ الەۋمەتتىك جەلىگە تارالىپ كەتۋىنەن قاۋىپتەندى. قولدا بار مالىمەتكە قاراعاندا, بانك ۇزىندىلەرىن دە جاريالاماعان», – دەدى داۋلەتياروۆ.
ەسكە سالايىق, بۇعان دەيىن پەريزات قايرات پەن ونىڭ اناسى عايني الاشباەۆاعا قاتىستى قىلمىستىق ءىس بويىنشا سوت پروتسەسى جالعاسىپ جاتقانىن جازدىق. تەرگەۋ دەرەكتەرى بويىنشا, 47 ادام جابىرلەنۋشى رەتىندە تانىلعان. 2023 جىلى گازا سەكتورىنا كومەك كورسەتۋ ماقساتىندا جينالعان 83 ميلليون تەڭگە جانە باسقا دا قايىرىمدىلىق قاراجاتتارىنىڭ قالاي جۇمسالعانى تۋرالى قوعامدا كۇمان تۋىنداعان. پروكۋراتۋرا جالپى شىعىندى 200 ميلليون تەڭگەدەن اسادى دەپ كورسەتسە, جابىرلەنۋشىلەر بۇل ءىستى جاي عانا الاياقتىق ەمەس, سەنىمگە جاسالعان وپاسىزدىق دەپ سانايدى.
«سترويكونسترۋكتسيا» اق-نىڭ وكىلى پەريزات قايراتتى «الاياقتاردىڭ پاتشايىمى» دەپ اتاپ, ونى ايگىلى الاياقتار وستاپ بەندەر مەن سونكا التىنقولمەن سالىستىردى. جابىرلەنۋشىلەر ايىپتالۋشىلارعا ەڭ قاتاڭ جازا قولدانۋدى تالاپ ەتتى.
ناتيجەسىندە سوت پەريزات قايراتتى 10 جىلعا, اناسىن 7 جىلعا باس بوستاندىعىنانايىردى.
